నెహ్రూ జూలో రెక్కల రహస్యం: 70 రకాల పక్షులు

హైదరాబాద్ నగరంలోని నెహ్రూ జూలాజికల్ పార్క్ పక్షిప్రేమికులకు మరోసారి ప్రత్యేక అనుభూతిని అందించింది. మంగళవారం నిర్వహించిన బర్డ్ వాక్‌లో జూ ప్రాంగణంలో 70 రకాల పక్షి జాతులు ఉన్నట్లు గుర్తించారు.ప్రకృతి సౌందర్యానికి నిలయమైన నెహ్రూ జూలాజికల్ పార్క్‌లో పక్షుల సందడి కనువిందు చేసింది.

హైదరాబాద్ నగరంలోని నెహ్రూ జూలాజికల్ పార్కులో 70 రకాల జాతుల పక్షులున్నాయని హైదరాబాద్ బర్డింగ్ పాల్స్ సభ్యులు గుర్తించారు. నెహ్రూ జూలాజికల్ పార్కులో మంగళవారం పక్షిప్రేమికులు బర్డ్ వాక్ నిర్వహించారు.హైదరాబాద్ బర్డింగ్ పాల్స్ నుంచి వచ్చిన 50 మంది పక్షుల వీక్షకుల బృందం మంగళవారం ఉదయం 06:00 గంటలకు జూను సందర్శించింది. నెహ్రూ జూలాజికల్ పార్క్, హైదరాబాద్ డిప్యూటీ క్యూరేటర్ జె.మురళీధర్ పక్షుల వీక్షకులకు సాదర స్వాగతం పలికి, జూ ప్రాంగణంలో కనిపించే వివిధ పక్షి జాతుల గురించి క్లుప్తంగా వివరించారు.

ప్రకృతిలోని వన్యప్రాణులపై విద్య అవగాహన కల్పించడంలో భాగంగా హైదరాబాద్‌లోని నెహ్రూ జూలాజికల్ పార్క్‌లో పక్షుల వీక్షణ కార్యక్రమం నిర్వహించారు.పక్షుల వీక్షకులు కింగ్‌ఫిషర్, గుడ్లగూబలు, డ్రోంగో, బాబ్లర్లు, గ్రే హార్న్‌బిల్, మూర్హెన్, మునియాలు, కోకిల, పెయింటెడ్ స్టార్క్, ఐబిస్, ఎగ్రెట్స్, బీ ఈటర్స్, సాధారణ కాకి, స్టిల్ట్స్, ల్యాప్‌వింగ్ మొదలైన పక్షులను చూశారు.పక్షిప్రేమికులు బర్డ్ వాక్ లో జూ ప్రాంగణంలో 70 జాతుల పక్షులు ఉన్నట్లు గుర్తించారు.

ఇలాంటి పక్షి వీక్షణ కార్యక్రమాలు ప్రజల్లో ప్రకృతి పరిరక్షణపై అవగాహన పెంపొందించడంలో కీలక పాత్ర పోషిస్తున్నాయని బర్డింగ్ పాల్ నిర్వాహకులు తెలిపారు. భవిష్యత్తులో కూడా ఇలాంటి కార్యక్రమాలను కొనసాగిస్తామని నెహ్రూ జూ అధికారులు పేర్కొన్నారు.పక్షుల రెక్కల చప్పుళ్ల మధ్య సాగిన ఈ బర్డ్ వాక్, ప్రకృతితో మమేకమయ్యే అవకాశాన్ని పక్షిప్రేమికులకు అందించడంతో పాటు, వన్యప్రాణుల సంరక్షణపై కొత్త ఆలోచనలకు దారితీసింది.