యూజీసీ నిబంధనలపై సుప్రీంకోర్టు ‘స్టే’
కేంద్రం, యూజీసీకి నోటీసులు
యూనివర్సిటీ గ్రాంట్స్ కమిషన్ తీసుకొచ్చిన నిబంధనలు- 2026 సుప్రీంకోర్టు స్టే విధించింది. ఈ నిబంధనలు ప్రాథమికంగా "అస్పష్టంగా" ఉన్నాయని "దుర్వినియోగం చేసే అవకాశం" ఉందని పేర్కొంది.
2026 నిబంధనల రాజ్యాంగబద్ధతను సవాలు చేస్తూ దాఖలైన మూడు రిట్ పిటిషన్ల విచారణ సందర్భంగా భారత ప్రధాన న్యాయమూర్తి సూర్యకాంత్, జస్టిస్ జోయ్మల్య బాగ్చిలతో కూడిన ధర్మాసనం విచారించి స్టే విధించింది.
‘యుజిసి నిబంధనలను కమిటీ పరిశీలించాలి'
నిబంధనలను ప్రముఖ న్యాయనిపుణుల కమిటీ పరిశీలించాలని ధర్మాసనం పేర్కొంది. పిటిషన్లపై కేంద్రానికి, యూనివర్సిటీ గ్రాంట్స్ కమిషన్కు నోటీసు జారీ చేసింది.
అప్పటి వరకు నిబంధనలు నిలిపివేస్తున్నట్లు కోర్టు పేర్కొంది. ఈలోగా 2012 యుజిసి నిబంధనలు అమలులో కొనసాగుతాయని కూడా పేర్కొంది. ఈ అంశంపై భారత సొలిసిటర్ జనరల్ తుషార్ మెహతా స్పందనను CJI కోరారు.
"మిస్టర్ సోలిసిటర్ జనరల్, మేము మీ స్పందనను కోరుకుంటున్నాము. ఈరోజు మేము ఎటువంటి ఉత్తర్వులు జారీ చేయాలనుకోవడం లేదు... ప్రముఖ న్యాయనిపుణులతో కూడిన కమిటీ ఉండాలి.
సామాజిక విలువలు, సమాజం ఎదుర్కొంటున్న వాటిని అర్థం చేసుకునే ఇద్దరు లేదా ముగ్గురు వ్యక్తులు ఉండాలి. మొత్తం సమాజం ఎలా ఎదగాలి అనే దానిపై దృష్టి పెట్టాలి’’ సీజేఐ వ్యాఖ్యానించారు.
నియంత్రణ విధిస్తే..
పిటిషనర్లలో ఒకరి తరపున హాజరైన న్యాయవాది విష్ణు శంకర్ జైన్ చేసిన సమర్పణకు స్పందిస్తూ, రెగ్యులేషన్ 3(e) అన్ని రకాల వివక్షలను పరిష్కరిస్తుందా అని CJI అడిగారు.
‘‘దక్షిణ భారత విద్యార్థికి, ఉత్తర భారతంలో సీట్ లభిస్తే, అక్కడ ఏదైన అవమానం జరిగితే, కులం గుర్తింపు తెలియనప్పుడూ ఇది సమస్యను పరిష్కరిస్తుందా?’’ అని సీజేఐ అన్నారు.
ర్యాగింగ్ పై CJI UGC నిబంధనలు ర్యాగింగ్ సమస్యను పరిష్కరిస్తుందా అని కూడా అడిగారు. వేధింపులు సీనియర్-జూనియర్ విభజనపై జరుగుతాయని కూడా CJI అన్నారు. వివిధ కులాలకు ప్రత్యేక హాస్టళ్ల రూపంలో మార్గదర్శకంలో ప్రతిపాదించబడిన పరిష్కార నిబంధనను కూడా CJI ప్రశ్నించారు.
"దేవుని దయవల్ల, ఇలా చేయవద్దు! మనమందరం కలిసి ఉండేవాళ్ళం... కులాంతర వివాహాలు కూడా ఉన్నాయి" అని CJI కాంత్ అన్నారు. "ఒక విషయం ఏమిటంటే, ఆర్టికల్ 15(4) రాష్ట్రానికి ఎస్సీ, ఎస్టీల కోసం ప్రత్యేక చట్టాలను రూపొందించడానికి అధికారం ఇస్తుంది.
కానీ 2012 నిబంధనలు మరింత విస్తృతమైన, సమగ్రమైన విధానం గురించి మాట్లాడినట్లయితే... రక్షణాత్మక, మెరుగుదల విధానంలో తిరోగమనం ఎందుకు ఉండాలి? తిరోగమనం లేని సూత్రం కూడా ఉంటుంది" అని జస్టిస్ బాగ్చి అన్నారు.
Next Story