భారత్- చైనా మధ్య జరిగేవి చెప్పలేం: రాజ్ నాథ్ సింగ్

తూర్పు లద్ధాక్ లోని వాస్తవ నియంత్రణ రేఖ (ఎల్‌ఎసి) వెంబడి పరిస్థితులు ప్రశాంతంగా ఉన్నాయని రక్షణమంత్రి రాజ్ నాథ్ సింగ్ అన్నారు. "చర్చలు బాగా జరుగుతున్నాయి" అని పేర్కొన్నారు. అయితే, సంభాషణ ప్రక్రియ సున్నితమైన స్వభావాన్ని పరిగణనలోకి తీసుకుని మరిన్ని వివరాలు ఇవ్వడానికి రక్షణమంత్రి నిరాకరించాడు.

భారతదేశం చైనాతో ఉన్న సరిహద్దులో వేగంగా మౌలిక సదుపాయాలను అభివృద్ధి చేస్తోందని, దేశ సరిహద్దులు సురక్షితంగా ఉన్నాయని నొక్కి చెప్పారు. చర్చలతో తమ మధ్య కొనసాగుతున్న వివాదానికి పరిష్కారం లభిస్తుందన్న ఆశాభావాన్ని వ్యక్తం చేశారు.

రెండు మిలిటరీల మధ్య దాదాపు నాలుగు సంవత్సరాలుగా కొనసాగుతున్న ముఖాముఖి పోరుకు ముగింపు లభిస్తుందనే ఆశాభావంతో ఉన్నారా అని అడిగిన ప్రశ్నకు, సింగ్ ఎదురు ప్రశ్న సంధించారు. "ఆశ లేకపోతే, చర్చలు ఎందుకు జరపాలి." "వారికి (చైనా వైపు) కూడా ఆశ ఉంది, అందుకే మేము చర్చలు జరుపుతున్నాము" అని ఆయన చెప్పాడు.