గాలి జనార్దన్ రెడ్డి చేరిక బీజేపీకి లాభిస్తుందా?

గాలి జనార్దన్ రెడ్డి. తెలుగు రాష్ట్రాల్లో ఈ పేరు వినని వారు ఉండరు. కర్ణాటకలో అత్యంత ధనవంతులైన రాజకీయ నాయకులలో ఒకడు. మైనింగ్ కింగ్ గా పేరున్న జనార్దన్ రెడ్డి తిరిగి బీజేపీ గూటికి చేరడంతో మరోసారి వార్తలోకెక్కారు.

పార్టీ విలీనం..

బీజేపీ చాలా కాలం తర్వాత కర్ణాటకలో వివాదాస్పద మైనింగ్ బారన్ గాలి జనార్దన రెడ్డిని తిరిగి పార్టీలో చేర్చుకుంది. గనుల తవ్వకాల్లో నిబంధనలను అతిక్రమించారన్న ఆరోపణలు ఎదుర్కొంటున్న గాలి జనార్దన రెడ్డి సోమవారం తన పార్టీ కళ్యాణ రాజ్య ప్రగతి పక్షాన్ని (కెఆర్‌పిపి) బిజెపిలో విలీనం చేశారు. ఆయన భార్య అరుణలక్ష్మి, కుటుంబ సభ్యులు బీజేపీ అగ్రనేత, మాజీ ముఖ్యమంత్రి బీఎస్‌ యడియూరప్ప సమక్షంలో పార్టీలో చేరారు.

ఎవరీ గాలి జనార్ధన్ రెడ్డి..

మైనింగ్ కుంభకోణంలో అరెస్టయి జైలుకు వెళ్లడానికి ముందు గాలి జనార్థన్ రెడ్డి యడ్యూరప్ప నేతృత్వంలోని బిజెపి ప్రభుత్వంలో క్యాబినెట్ మంత్రి. 2013లో జనార్దన్ రెడ్డిపై అవినీతి ఆరోపణలే అప్పట్లో ప్రధాన ఎన్నికల అంశం. గత ఏడాది కర్ణాటకలో అధికారాన్ని కోల్పోయిన బీజేపీ ఇప్పుడు తిరిగి రావడం పార్టీకి సానుకూల సంకేతంగా బీజేపీ భావిస్తోంది.

కళ్యాణ కర్ణాటకపై కన్ను..

గాలిజనార్ధన్ రెడ్డి తిరిగి బీజేపీ గూటికి చేరడాన్ని బీజేపీ సమర్థించుకుంటుంది. “రెడ్డి పునరాగమనం కల్యాణ కర్ణాటక ప్రాంతంలో బీజేపీని బలోపేతం చేస్తుంది. రాష్ట్రంలోని మొత్తం 28 లోక్‌సభ స్థానాల్లో బీజేపీ-జేడీ(ఎస్) కూటమి విజయం సాధించేందుకు ఆయన చేరిక ఉపయోగపడుతుందని యడియూరప్ప కుమారుడు బీవై విజయేంద్ర అన్నారు. బళ్లారి, చిత్రదుర్గ, కొప్పల్, రాయచూర్ లోక్‌సభ నియోజకవర్గాల్లో కాషాయ పార్టీ గెలుపునకు జనార్దన్ రెడ్డి సహకరిస్తారని బీజేపీ నేతలు భావిస్తున్నారు.

మారిన పరిస్థితులు

2019లో కర్ణాటకలోని 28 లోక్‌సభ స్థానాలకు 25 స్థానాలను గెలుచుకున్న బీజేపీ ఇప్పుడు అధికార కాంగ్రెస్ పార్టీ నుంచి గట్టి సవాల్ ఎదుర్కొంటోంది. బిజెపి జనతాదళ్ (సెక్యులర్)తో పొత్తు పెట్టుకుంది. సార్వత్రిక ఎన్నికల్లో ఓటరు మద్దతును కూడగట్టేందుకు బీజేపీ అదనపు మిత్రపక్షాలను పార్టీలోకి ఆహ్వానిస్తుంది. అందుకే రెడ్డిని తిరిగి కైవసం చేసుకున్నట్లు బీజేపీ వర్గాలు చెబుతున్నాయి. గత ఏడాది అసెంబ్లీ ఎన్నికలకు ముందు 2022 డిసెంబర్‌లో జనార్దన్ రెడ్డి అధికారికంగా బిజెపి నుండి వైదొలిగారు.

కార్యకర్తల్లో అసంతృప్తి..

జనార్దనరెడ్డి, ఆయన కుటుంబాన్ని తిరిగి చేర్చుకోవాలన్న బీజేపీ నిర్ణయంపై కార్యకర్తలు, స్వచ్ఛంద సంస్థలు అసహనం వ్యక్తం చేశారు.

నేషనల్ కమిటీ ఫర్ ప్రొటెక్షన్ ఆఫ్ నేచురల్ రిసోర్సెస్ (NCPNR) కర్ణాటకలో అక్రమ మైనింగ్‌కు వ్యతిరేకంగా పోరాడింది. జనార్దన్ రెడ్డి వ్యవహారంపై ప్రధాని నరేంద్ర మోదీని ఎస్పీఎస్, ఎన్సీపీఎన్ఆర్ వ్యవస్థాపకులుగా ఎస్ఆర్ హిరేమత్ విమర్శించారు కూడా.

“దేశాన్ని అవినీతి నుండి విముక్తి చేయడానికి బిజెపి కట్టుబడి ఉంది. కఠిన చర్యలు కూడా తీసుకుంటుందని మోదీజీ పేర్కొన్నారు. (కానీ) జనార్దనరెడ్డి వంటి వారిని పార్టీలో చేర్చుకోవడం ద్వారా అవినీతిని చట్టబద్ధం చేస్తున్నారు.’’ అని హిరేమఠ్ పేర్కొన్నారు. జనార్దన్ రెడ్డిపై 20కి పైగా కేసులు ఉన్నామని, అవి కోర్టుల్లో వివిధ దశలో ఉన్నాయని హిరేమఠ్ గుర్తు చేశారు.

కాంగ్రెస్ కూడా వాడుకుంది..

2013లో కర్ణాటకలో అక్రమ మైనింగ్‌ను అంతం చేస్తామని హామీ ఇచ్చి కాంగ్రెస్ అధికారంలోకి వచ్చింది. 2010లో బెంగళూరు నుంచి బళ్లారి వరకు 315 కిలోమీటర్ల పాదయాత్ర చేపట్టి కాంగ్రెస్ ముఖ్యమంత్రి అభ్యర్థిగా సిద్ధరామయ్య నిలిచారు. కానీ, కర్ణాటకలో రాజ్యసభ పోరు సందర్భంగా జనార్దనరెడ్డి సాయం తీసుకోవడానికి కాంగ్రెస్ వెనుకాడలేదు’’ అని హిరేమఠ్ పేర్కొన్నారు.

ఇటీవలి రాజ్యసభ ఎన్నికల సమయంలో రెడ్డి మద్దతు తీసుకున్న కాంగ్రెస్, ఆయనను మళ్లీ తన గుప్పిట్లోకి తీసుకోవాలని బీజేపీని టార్గెట్ చేసింది. 1999 లో జనార్దన్ రెడ్డి లోక్ సభ పోరులో అప్పటి కాంగ్రెస్ అధినేత్రి సోనియా గాంధీకి వ్యతిరేకంగా బిజెపికి చెందిన సుష్మా స్వరాజ్‌కి మద్దతు ఇవ్వడం ద్వారా అందరి దృష్టిని ఆకర్షించారు.

కేసుల నుంచి బయటపడేందుకే..

తనపై పెండింగ్‌లో ఉన్న మైనింగ్ కేసుల నుంచి బయటపడేందుకు మైనింగ్ వ్యాపారవేత్త తన పార్టీని బీజేపీలో విలీనం చేశారని హోంమంత్రి జి పరమేశ్వర్ ఆరోపించారు.

బళ్లారి ప్రాంతంలో జరుగుతున్న అక్రమ మైనింగ్ కార్యకలాపాలపై 2011లో కర్ణాటకలోని లోకాయుక్త సంతోష్ హెగ్డే కర్ణాటక ప్రభుత్వానికి నివేదిక సమర్పించారు. బళ్లారిలో ఇనుప ఖనిజం తవ్వకాల్లో రెడ్డి రిగ్గింగ్ చేసి ప్రభుత్వాన్ని మోసం చేశారని ఆరోపించారు.

మైనింగ్ కేసులో బెయిల్ కోసం హైదరాబాద్‌లోని జడ్జికి కుటుంబానికి లంచం ఇచ్చాడని సెంట్రల్ బ్యూరో ఆఫ్ ఇన్వెస్టిగేషన్ (సిబిఐ) ఆరోపించడంతో అప్పట్లో వార్తల్లో నిలిచారు. జనార్దన్ రెడ్డికి వివాదాస్పద చరిత్ర ఉన్నా.. అతను కర్ణాటకలో శక్తివంతమైన రాజకీయ నాయకుడిగా ఎదగగలిగాడు,

పేరు చెప్పడానికి ఇష్టపడని కాంగ్రెస్ సభ్యుడు ఫెడరల్‌తో మాట్లాడుతూ.. వ్యవస్థను ఉపయోగించి త్వరగా డబ్బు సంపాదించడానికి నైపుణ్యం ఉన్న వ్యక్తి జనార్దన రెడ్డి అని పేర్కొన్నారు.