ట్రంప్ విరామం ప్రకటించడం నమ్మలేకపోతున్నారా?

ఇరాన్ పై చేస్తున్న దాడులకు హాఠాత్తుగా అమెరికా అధ్యక్షుడు ట్రంప్ విరామం ప్రకటించారు. ఇరాన్ విద్యుత్ కేంద్రాలు, ఇంధన కేంద్రాలపై దాడులు చేస్తామని వెంటనే హార్ముజ్ జలసంధిని ఓపెన్ చేయాలని హూంకారం చేసిన ట్రంప్ వెంటనే వెనక్కి తగ్గారు.

ఆకస్మిక నిర్ణయాలు తీసుకోవడం వెంటనే వెనక్కి తగ్గే అలవాటు ట్రంప్ కు ఉంది. ఆయన చరిత్ర తెలిసిన వారికి ఇదేమీ ఆశ్చర్యం అనిపించదు. ఈ ఐదు రోజుల విరామం ప్రకటనలో ఒక బిలియన్ (లేదా ట్రిలియన్) డాలర్ల ప్రశ్న ఉంది. ఇది తాత్కాలిక విరామమా? దీర్ఘకాలిక ముగింపు వైపు ప్రయాణిస్తుందా? అనేది చూడాలి.

కాకపోతే ఈ విరామం ఎక్కువగా దీర్ఘకాలిక శాంతివైపే ప్రయాణించే అవకాశం కనిపిస్తోంది. ఎందుకంటే, ఇరాన్‌పై గత నాలుగు వారాలుగా జరిపిన సైనిక దాడులలో అమెరికా, ఇజ్రాయెల్‌లు ఇప్పటివరకు గుర్తించదగిన ప్రయోజనాలేవీ సాధించలేదు.