‘కరూర్’ లో ఏం జరుగుతుందో డీఎంకేకు ముందే తెలుసా?

అసెంబ్లీ ఎన్నికల ముందు నటుడు విజయ్, కొత్త పార్టీకి, అధికార డీఎంకేకు మధ్య ఉన్న తీవ్రమైన రాజకీయ యుద్ధాన్ని మళ్లీ రాజేసింది. ఇరు పక్షాలు ఒకరిపై ఒకరు కుట్ర, నిర్లక్ష్యం, రాజకీయ కక్ష సాధింపు ఆరోపణలు చేసుకుంటున్నాయి. 2025 సెప్టెంబర్ 27న టీవీకే అధినేత విజయ్ బహిరంగ సభలో జరిగిన కరూర్ విషాదంలో 41 మంది మరణించగా, 60 మందికి పైగా గాయపడ్డారు. ఆదవ్ అర్జున నేతృత్వంలోని టీవీకే నాయకులు ఈ తొక్కిసలాట కేవలం ప్రమాదం కాదని వాదిస్తున్నారు. ఇది డీఎంకే నాయకుడు మంత్రి సెంథిల్ బాలాజీ పన్నిన కుట్రగా విజయ్ పార్టీ నాయకులు ఆరోపిస్తున్నారు.

సభా ప్రాంగణంలో పంపిణీ చేసిన నీటి సీసాలపై బాలాజీ స్వచ్ఛంద సంస్థ లోగో స్పష్టంగా కనిపించడం. ఇది డీఎంకే చొరబాటుకు పన్నిన కుట్రకు ఆధారాలుగా వారు ప్రచారం చేస్తున్నారు. దుర్ఘటన జరిగిన నిమిషాల వ్యవధిలోనే బాలాజీ ఆసుపత్రికి వెళ్లడం, ఇది వారికి ముందే తెలుసనడానికి సాక్ష్యంగా చెబుతున్నారు.

తగినంత పోలీసు బలగాల మోహరింపు లేకపోవడం, అంబులెన్సులు ఆలస్యం కావడం, జన సమూహ నియంత్రణలో ఉద్దేశపూర్వక లోపాలను చూపిస్తున్న వీడియో ఫుటేజ్, విజయ్ ప్రసంగం సందర్భంగా వేదికపైకి బూట్లు విసరడం, గందరగోళ దృశ్యాలు సృష్టించడం, ఇవన్నీ పార్టీ ప్రతిష్టను దెబ్బతీసి, అప్రతిష్టపాలు చేయడానికి పన్నిన పెద్ద కుట్రలో భాగమని ఆరోపణలు ఉన్నాయి.

విజయ్ పెరుగుతున్న ప్రజాదరణను అణచివేసి, అతని రాష్ట్రవ్యాప్త ప్రచారాన్ని దెబ్బతీయడానికి అధికార పార్టీ పన్నిన పథకం ప్రకారం చేసిన ప్రయత్నంగా టీవీకే ఈ ఘటనను పదేపదే అభివర్ణించింది.

సీబీఐ వర్గాల ప్రకారం, ఈరోజు కోర్టులో హాజరైనప్పుడు బాలాజీ తనను తాను తీవ్రంగా సమర్థించుకున్నారు. "విజయ్ దాదాపు ఏడు గంటలు ఆలస్యంగా రావడంతో, జనం అదుపు తప్పి ముందుకు దూసుకువచ్చారు. పోలీసు నిబంధనలను ఉల్లంఘించారు."

"మండే ఎండలో గంటల తరబడి వేచి ఉన్న సుమారు 25,000 మంది మద్దతుదారులకు టీవీకే నిర్వాహకులు ఒక్క నీళ్ల సీసా గానీ, బిస్కెట్ ప్యాకెట్ గానీ, కనీస సౌకర్యాలు ఏవీ కల్పించలేదు" విజయ్ బాలాజీ పేరు ప్రస్తావించడానికి లేదా ఆయన్ని లక్ష్యంగా చేసుకుని వివాదాస్పద 'రూ. 10 మంత్రి' పాట పాడటానికి చాలా ముందే చెప్పు విసిరిన ఘటన జరిగింది. "ఒక వ్యక్తి ప్రతిరోజూ సురక్షితంగా బైక్ నడుపుతూ, ఒక్కసారి మాత్రమే ప్రమాదానికి గురైతే, మీరు రోడ్డును నిందిస్తారా లేక నడిపే వ్యక్తిని నిందిస్తారా?" అని బాలాజీ ప్రశ్నించారు.

ఆ నిందను టీవీకే వారి "అహంకారం, పేలవమైన ప్రణాళిక"పై అని నిందించారు. ఇతర జిల్లాల్లోని టీవీకే ర్యాలీలలో ఇలాంటి విపత్తులు ఎందుకు జరగలేదని కూడా ఆయన ప్రశ్నించారు. కరూర్ వైఫల్యం పూర్తిగా వారి స్వయంకృతాపరాధమేనని అన్నారు.

టీవీకే మాత్రం ఇది కచ్చితంగా సెంథిల్ బాలాజీ కుట్రగానే భావిస్తోంది. బాలాజీకి సన్నిహితంగా ఉన్న ఒక సీనియర్ డీఎంకే నాయకుడు విజయ్ కరూర్ ర్యాలీకి సరిగ్గా ఒక రోజు ముందు ఒక గూఢమైన వాట్సాప్ స్టేటస్ సందేశాన్ని పోస్ట్ చేసినట్లు ఇప్పుడు వెలుగులోకి వచ్చింది.

వాట్సాప్ లో "రేపు కరూర్‌లో ఒక పెద్ద సంఘటన జరగబోతోంది" అనే హెచ్చరిక ఉన్నట్లు సమాచారం. దర్యాప్తు అధికారుల నుంచి వస్తున్న సమాచారం ప్రకారం, ఢిల్లీలో బాలాజీని విచారించినప్పుడు సీబీఐ ఇదే సమాచారంతో నేరుగా ఆయనను నిలదీసింది.

టీవీకే కార్యక్రమానికి సంబంధించి ఏదైనా ముందస్తు సమాచారం ఉందా లేదా సమన్వయంతో అంతరాయం కలిగించారా అని నిర్ధారించుకోవడానికి ఈ వివరాలు అడిగాయి. ఇరు పక్షాలు సమర్పించిన వీడియో ఆధారాలు, సాక్షుల వాంగ్మూలాలు, సంస్థాగత లోపాలను సీబీఐ పరిశీలిస్తోంది.

సంబంధిత దర్యాప్తులో విజయ్‌నే దాదాపు ఏడు గంటల పాటు ప్రశ్నించినట్లు వర్గాలు చెబుతున్నాయి. బాలాజీ వాంగ్మూలాన్ని నమోదు చేశారు. త్వరలో కొత్తగా సమన్లు ​​జారీ చేసే అవకాశం ఉంది. 41 మంది ప్రాణాలు కోల్పోవడానికి నేరపూరిత నిర్లక్ష్యం, రాజకీయ కుట్ర లేదా ఈ రెండింటి కలయిక కారణమా అనే దానిపై ఏజెన్సీ దృష్టి సారిస్తున్నట్లు తెలుస్తోంది.