‘‘సీజే రాయ్ ఆత్మహత్య: ఐటీ శాఖపై దర్యాప్తు చేస్తాం’’

బెంగళూర్ లో ప్రముఖ రియల్ ఎస్టేట్ వ్యాపారి, కాన్ఫిడెంట్ గ్రూప్ చైర్మన్ సీజే రాయ్ ఆత్మహత్య ఐటీ శాఖ వేధింపులే కారణమని కాంగ్రెస్ పార్టీ ఆరోపించింది. ఈ ఆత్మహత్యపై రాష్ట్ర ప్రభుత్వం కేసు నమోదు చేసి దర్యాప్తు చేస్తుందని ప్రకటించింది.

కేంద్రంలో అధికారంలో ఉన్న బీజేపీ ఐటీ, ఈడీ, సీబీఐ లను ఉపయోగించి చిన్న తరహ పారిశ్రామికవేత్తలు, ఎంఎస్ఎంఈలు, పారిశ్రామికవేత్తలను బెదిరిస్తోందని విమర్శలు గుప్పించింది.

నిన్న బెంగళూర్ లో ఐటీ శాఖ దర్యాప్తులో భాగంగా సీజే రాయ్ కార్యాలయంలో ఉండగా ఆయన విచారణ నుంచి విరామం తీసుకుని తుపాకీతో కాల్చుకుని ఆత్మహత్యకు పాల్పడ్డాడు.