అశ్వారావుపేటలో కోట్ల రూపాయల అభివృద్ధి పనులు: పొంగులేటి

ప్రజా ప్రభుత్వ హయాంలో అశ్వారావుపేట మున్సిపాలిటీలో విస్తృత అభివృద్ధి పనులు చేపట్టినట్లు మంత్రి పొంగులేటి శ్రీనివాస్ రెడ్డి తెలిపారు. మున్సిపాలిటీ భవనం, చెరువు అభివృద్ధి, మార్కెట్ కాంప్లెక్స్ వంటి కీలక ప్రాజెక్టులు అమలయ్యాయని వెల్లడించారు. మున్సిపల్ ఎన్నికల ప్రచారంలో భాగంగా భద్రాద్రి కొత్తగూడెం జిల్లా అశ్వారావుపేటలో నిర్వహించిన కార్యక్రమంలో ఆయన పాల్గొన్నారు.

ఈ సందర్భంగా పట్టణ ప్రజలను ఉద్దేశించి మాట్లాడినట్లు తెలిపారు. అశ్వారావుపేటలో రూ.7 కోట్లతో మున్సిపాలిటీ భవనం నిర్మాణం జరిగిందని చెప్పారు. రూ.5 కోట్లతో దొంతికుంట చెరువు అభివృద్ధి పనులు చేపట్టినట్లు పేర్కొన్నారు. రూ.1 కోట్లతో మార్కెట్ కాంప్లెక్స్ నిర్మాణం పూర్తి చేసినట్లు వివరించారు.

నిరుపేదల సంక్షేమానికి ప్రభుత్వం ప్రత్యేక చర్యలు తీసుకున్నట్లు తెలిపారు. ఇల్లు కట్టుకున్న పేదలకు పట్టాలు ఇచ్చామని చెప్పారు. ఇల్లు లేని వారికి ఏడెకరాల విస్తీర్ణంలో ఇండ్ల స్థలం కేటాయించినట్లు వివరించారు. అక్కడ మూడు అంతస్తుల్లో ఇందిరమ్మ ఇండ్లు నిర్మించి అందజేస్తామని తెలిపారు.

సర్వే నెంబర్ 911లో డాక్యుమెంట్లు ఉన్నవారికి రెగ్యూలరైజేషన్ చేసి పట్టాలు ఇస్తామని చెప్పారు. 1228 సర్వే నెంబర్‌లో సర్వే నిర్వహించి సమస్యలు పరిష్కరిస్తామని పేర్కొన్నారు. తన కష్టకాలంలో అశ్వారావుపేట ప్రజలు అండగా నిలిచారని మంత్రి గుర్తు చేశారు. మున్సిపాలిటీకి అవసరమైనన్ని నిధులు అందిస్తామని భరోసా ఇచ్చినట్లు తెలిపారు. అశ్వారావుపేట మున్సిపాలిటీపై కాంగ్రెస్ జెండా ఎగురవేయాలని ప్రజలకు పిలుపునిచ్చినట్లు పేర్కొన్నారు.