‘‘స్వయం ప్రకటిత విశ్వ గురువు బండారం బట్టబయలైంది’’

అమెరికా - ఇరాన్ మధ్య కాల్పుల విరమణ ఒప్పందం విషయంలో పాక్ పోషించిన మధ్యవర్తిత్వ భారత్ లో రాజకీయ దుమారం రేపింది. ఇది ప్రధాని నరేంద్ర మోదీ విదేశాంగ విధానానికి తీవ్ర ఎదురుదెబ్బ అని కాంగ్రెస్ పార్టీ అభివర్ణించింది. కాంగ్రెస్ సీనియర్ నాయకుడు జైరామ్ రమేష్ ఈ మేరకు ఎక్స్ లో ట్వీట్ చేశారు. "స్వయం ప్రకటిత విశ్వగురువు" బండారం బయటపడిందని ఆయన పేర్కొన్నారు. ఇరాన్, గాజాలపై ఇజ్రాయెల్ దాడులు, పశ్చిమ ఆసియా సంఘర్షణ సమయంలో అమెరికా అధ్యక్షుడు డొనాల్డ్ ట్రంప్ చేసిన ప్రకటనలపై కేంద్రం ఇప్పటికీ "మౌనంగా" ఉందని ఆయన ఆరోపించారు.