బీజేపీ ఉనికిని డీఎంకే సహించలేకపోతుందా?

ముఖ్యమంత్రి ఎం.కె. స్టాలిన్, ఈ పోటీని తమిళ ఆత్మగౌరవానికి, "బీజేపీ సిద్దాంతాల"కు మధ్య జరిగే ప్రత్యక్ష పోరాటంగా దూకుడుగా చిత్రీకరిస్తున్నారు. ఏఐఏడీఎంకే ప్రధాన కార్యదర్శి ఎడప్పాడి కె. పళనిస్వామి (ఈపీఎస్) కూటమి కథనాన్ని పక్కదారి పట్టించే ప్రయత్నంలో, స్టాలిన్ ఆయన కుమారుడు, ఉప ముఖ్యమంత్రి ఉదయనిధి స్టాలిన్‌పై తీవ్రమైన వ్యక్తిగత దాడులతో దీనిని ఎదుర్కొంటున్నారు. ఈ మార్పునకు తాజా ఉద్రిక్తతకు నిదర్శనంగా నిలుస్తోంది.

మదురై సౌత్ నియోజకవర్గంలో మంగళవారం నామినేషన్ దాఖలు సమయంలో బీజేపీ అభ్యర్థి రామ శ్రీనివాసన్‌తో పాటు మహారాష్ట్ర ముఖ్యమంత్రి దేవేంద్ర ఫడ్నవీస్ వెళ్లారు. దీనిపై స్టాలిన్ ఎక్స్ లో విమర్శలు గుప్పించారు. బీజేపీ గెలిస్తే నిలిచిపోయిన మధురై మెట్రో ప్రాజెక్టును వేగవంతం చేస్తామని ఫడ్నవిస్ హామీ ఇచ్చినట్లు చెబుతున్నారు.

కేంద్రం నిధులను నిరాకరించినప్పటికీ ద్రవిడ ప్రభుత్వం రెండంకెల ఆర్థిక వృద్ధిని సాధించిందని చెప్పారు. పక్క రాష్ట్రంలో వేరే రాష్ట్ర సీఎం ఎలా హమీ ఇస్తారని ఆయన ప్రశ్నించారు. దీనిని "బ్లాక్‌మెయిల్" అని అభివర్ణించారు.

మధురై, కోయంబత్తూరు మెట్రో ప్రాజెక్టులను బీజేపీ విజయాలతో ముడిపెట్టడం ద్వారా ఫడ్నవిస్ "తనను తాను చులకన చేసుకుంటున్నారని" డీఎంకే నాయకుడు దయానిధి మారన్ ఆరోపించారు. ప్రాజెక్టుల ఖర్చులో 60 శాతం రాష్ట్రమే భరిస్తామని ముందుకు వచ్చినప్పటికీ, కేంద్రం నిధులు ఇవ్వడానికి నిరాకరించిందని మాజీ కేంద్ర మంత్రి విమర్శించారు. తమిళనాడుపై "హిందీని బలవంతంగా రుద్దే" ప్రయత్నంగా సీబీఎస్ఈ త్రిభాషా సూత్రాన్ని కూడా మారన్ తీవ్రంగా విమర్శించారు.

ప్రధానమంత్రి నరేంద్ర మోదీ ఇటీవల రాష్ట్రంలో పర్యటించడం, ప్రముఖ బీజేపీ నాయకుల ప్రచారం డీఎంకే వ్యూహాన్ని మరింత బలోపేతం చేశాయి. స్టాలిన్, బీజేపీతో ఏఐఏడీఎంకే పొత్తును ద్రవిడ పార్టీ 'లొంగిపోవడం'గా పదేపదే అభివర్ణించారు.

ఈపీఎస్‌ను 'బీజేపీ బానిస' అని ముద్ర వేశారు. తిరువణ్ణామలైలో ద్రవిడ ఆత్మగౌరవాన్ని ప్రస్తావిస్తూ ఉదయనిధి ఇదే మాటను పునరావృతం చేశారు. తమిళనాడు రాజకీయాలు చాలా కాలంగా ద్రవిడ ప్రత్యేకత, అంటే ఉత్తర భారతీయ లేదా హిందీ-ఆధిపత్య కేంద్ర జోక్యంగా భావించే దానికి గట్టి ప్రతిఘటనతో నిర్వచించబడ్డాయి.

డీఎంకే -ఏఐఏడీఎంకే రెండూ తమ మూలాలను ద్రవిడ ఉద్యమంలోనే గుర్తించాయి. ఇది చారిత్రాత్మకంగా హిందూ మితవాదాన్ని దూరంగా ఉంచింది. అసెంబ్లీ ఎన్నికలు సాధారణంగా స్థానిక పరిపాలన చుట్టూ తిరుగుతాయి. ఇందులో ముఖ్యంగా ఉచితాలు, అవినీతి ఆరోపణలు, కుల సమీకరణాలు, ప్రభుత్వ వ్యతిరేకత పోషిస్తాయి.

2021లో, నీట్ రద్దు, మద్యపాన నిషేధం వంటి హామీలతో, ఈపీఎస్ నేతృత్వంలోని ఏఐఏడీఎంకేను ఓడించి డీఎంకే తిరిగి అధికారంలోకి వచ్చింది. గతంలో ఏఐఏడీఎంకేతో పొత్తు పెట్టుకున్న బీజేపీ, పెద్దగా హడావిడి చేయకుండా, అప్పటి రాష్ట్ర అధ్యక్షుడు కె. అన్నామలై నేతృత్వంలో క్రమంగా తన కేడర్‌ను నిర్మించుకుంది.

2026 కోసం ఏఐఏడీఎంకే, బీజేపీ, పీఎంకేలతో పొత్తును అధికారికంగా కుదుర్చుకుని, తనను తాను డీఎంకే వ్యతిరేక కూటమిగా నిలబెట్టుకుంది. మరోవైపు, డీఎంకే కాంగ్రెస్‌తో కూడిన విస్తృత 'ఇండి బ్లాక్' కూటమికి నాయకత్వం వహిస్తోంది.

గత ఎన్నికల మాదిరిగా "భావోద్వేగపూరిత ప్రసంగ అంశాలు" లేవని డీఎంకే నాయకులు వాదిస్తున్నారు. దానికి బదులుగా, తమిళనాడు స్వయంప్రతిపత్తిని తాకట్టు పెట్టిన "బానిస"గా ఈపీఎస్‌ను చిత్రీకరించడానికి, వారు బీజేపీ ప్రత్యక్ష ఉనికిని, మోదీ ర్యాలీలను, ఫడ్నవిస్ పర్యటనను, కేంద్ర ప్రాజెక్టులను ఆయుధాలుగా వాడుకుంటున్నారు.

ఇటీవల వ్యాఖ్యలలో స్టాలిన్ ఓ విషయాన్ని స్పష్టం చేశారు. "మేము బీజేపీతో (1999లో కరుణానిధి నేతృత్వంలో) కేవలం పొత్తు పెట్టుకున్నాము. పార్టీని తాకట్టు పెట్టలేదు." సాంస్కృతిక/హిందీ రుద్దడం, సమాఖ్యవాదం క్షీణించడం వంటి భయాల కారణంగా ఏర్పడిన బీజేపీ వ్యతిరేక సెంటిమెంట్, తమకు అనుకూలంగా ఓట్లను ఏకీకృతం చేస్తుందని డీఎంకే ఆశిస్తోంది. మరోవైపు, అసలైన పోరాటం బీజేపీ పొత్తుకు వ్యతిరేకంగా కాదని, డీఎంకే 'కుటుంబ పాలన', అవినీతి, పాలనా వైఫల్యాలకు వ్యతిరేకంగానేనని ఈపీఎస్ ప్రచారం చేస్తున్నారు.

అటల్ బిహారీ వాజ్‌పేయ్ నేతృత్వంలో బీజేపీతో డీఎంకేకు గతంలో ఉన్న సంబంధాలను ఆయన ఓటర్లకు గుర్తుచేస్తూ, స్టాలిన్‌ నాటకాలు ఆడుతున్నారని విరుచుకుపడుతున్నారు. డిఎంకె నిరంతర 'బిజెపి బానిస' అనే విమర్శల దాడిని ఎదుర్కొన్న పళనిస్వామి, ఉద్దేశపూర్వకంగా స్టాలిన్, ఉదయనిధిలపై వ్యక్తిగత, నైతిక దూషణలకు దిగారు. ఆయన స్టాలిన్‌ 'అబద్ధాలు, మోసం' చేస్తున్నారని ఆరోపించారు.

శివగంగ - విరుదునగర్‌లలో జరిగిన ర్యాలీలలో, ఓటమి భయంతో ముఖ్యమంత్రి 'అపవాదులు నాసిరకమైన ప్రసంగాలు' చేస్తున్నారని ఆయన పేర్కొన్నారు. తాను పట్టు కోల్పోతున్నానని తెలిసినందుకే స్టాలిన్ విద్యార్థులకు 'నాసిరకం ల్యాప్‌టాప్‌లు' పంపిణీ చేస్తున్నారని ఆయన విమర్శలు అన్నారు.

పోక్సో కేసులను ఉటంకిస్తూ, మహిళల భద్రత విషయంలో డిఎంకె ప్రభుత్వం 'నవ్వులపాలు' అయిందని పేర్కొంటూ, ఆయన శాంతిభద్రతలపై కూడా విమర్శలు గుప్పించారు.

ఈపీఎస్‌పై ఉదయనిధి చేసిన 'మురట్టు అదిమై (కఠినమైన బానిస)' అనే వ్యాఖ్య, మరింత తీవ్రమైన వ్యక్తిగత ప్రతిస్పందనకు దారితీసిందని విశ్లేషకులు అంటున్నారు. డిఎంకె పాలనా వైఫల్యాల నుంచి దృష్టి మరల్చేలా ఉదయనిధి దూకుడుగా, విభజనవాద ప్రసంగాలు చేస్తున్నారని ఈపీఎస్ - ఏఐఏడిఎంకె నాయకులు ఆరోపించారు. ఉదయనిధి విమర్శలను అపరిపక్వమైనవిగా లేదా వంశపారంపర్య దురహంకారంగా చిత్రీకరించారు.

విధానపరమైన చర్చల కన్నా వ్యక్తిగత దూషణలపై ఆధారపడిన ఒక కుటుంబ సంస్థగా డీఎంకేను చూపించాలని ఈపీఎస్ లక్ష్యంగా పెట్టుకున్నారు. తనను గానీ, ఏఐఏడీఎంకేను గానీ లక్ష్యంగా చేసుకుని చేసే ఏ "పరువు నష్టం కలిగించే" వ్యాఖ్యలపైనా "మేము తిరిగి దాడి చేస్తాము" అని ఆయన హెచ్చరించారు.

ఈపీఎస్ వ్యూహం రెండు విధాలుగా ఉందని విశ్లేషకులు పేర్కొంటున్నారు. బీజేపీతో డీఎంకేకు ఉన్న గత సంబంధాలను ఎత్తిచూపుతూ "బీజేపీ బానిస" అనే ముద్రను నిర్వీర్యం చేయడం, సైద్ధాంతిక ఆందోళనల కన్నా డీఎంకే ఐదేళ్ల పనితీరు ఆధారంగా ఎన్నికలను అంచనా వేసేలా ఓటర్లను ఓట్లను అడగడంపై ప్రధానంగా దృష్టి సారించాలని పేర్కొంటున్నారు.

పూర్తిస్థాయి బీజేపీ వ్యతిరేక ప్రజాభిప్రాయ సేకరణను నివారించడమే దీని లక్ష్యం. డీఎంకే సంక్షేమ పథకాలు, తమిళుల ఆత్మాభిమానం వంటి అంశాలు ఇప్పటికీ బలంగా ప్రతిధ్వనిస్తుండగా, నటుడు విజయ్ తమిళగ వెట్రి కజగం (టీవీకే) మూడవ శక్తిగా ఆవిర్భవించడం ఈ అనిశ్చితికి మరో కోణాన్ని తీసుకొస్తోంది. ప్రస్తుతానికి, "బీజేపీ అనుకూలం vs బీజేపీ వ్యతిరేకం" అనే కథనం ప్రసార మాధ్యమాలలో ఆధిపత్యం చెలాయిస్తోంది, కానీ ఈపీఎస్ వ్యక్తిగత ఎదురుదాడి ప్రచారం ఇకపై ఏకపక్షంగా ఉండకుండా చూసింది.