మోదీ, పోప్ కు క్షమాపణ చెప్పిన కాంగ్రెస్ పార్టీ.. ఎందుకంటే..
భారత ప్రధాని నరేంద్ర మోదీని, పోప్ ఫ్రాన్సిస్ పై కాంగ్రెస్ పార్టీ చేసిన ఓ పోస్ట్ వివాదాస్పదంగా మారడంతో ఆ పార్టీ క్షమాపణ చెప్పింది.
భారత ప్రధాని నరేంద్ర మోదీకి కాంగ్రెస్ పార్టీ క్షమాపణ చెప్పింది. ఇటీవల ఇటలీలో జరిగిన జీ7 మీటింగ్ సందర్భంగా పోప్ ఫ్రాన్సిస్ తో ప్రధాని నరేంద్ర మోదీ భేటీ అయ్యారు. దీనికి సంబంధించిన ఫొటోలు ఇటీవల బహిర్గతం అయి వైరల్ గా మారాయి. దీనిపై కేరళ కాంగ్రెస్ యూనిట్ విమర్శలు గుప్పించింది. అయితే ఇవి కాస్త అక్కడ ఉన్న ప్రజల నుంచి తీవ్ర వ్యతిరేకత రావడంతో కేరళ కాంగ్రెస్ సోమవారం తన సోషల్ మీడియా హ్యాండిల్ లో అధికారికంగా క్షమాపణలు చెప్పింది. అలాగే పార్టీ తన అధికారిక X హ్యాండిల్ నుండి వివాదాస్పద పోస్ట్‌ను కూడా ఉపసంహరించుకుంది.
ఇది కాంగ్రెస్ సంప్రదాయం కాదు..
తమ పోస్ట్ వల్ల ఎవరైన క్రైస్తవ విశ్వాసులు భావోద్వేగ, మానసిక క్షోభకు గురయితే వారికి భేషరతుగా క్షమాపణలు చెప్పింది. ఏ మతాన్ని, మత గురువులను లేదా విగ్రహాలను అవమానించడం, కించపరచడం భారత జాతీయ కాంగ్రెస్ సంప్రదాయం కాదని ఇది రాష్ట్ర ప్రజలకు స్పష్టంగా తెలుసునని పార్టీ చేసిన వివరణాత్మక పోస్ట్‌లో పేర్కొంది. ప్రపంచవ్యాప్తంగా క్రైస్తవులు దేవుడిలా భావించే పోప్‌ను అవమానించే ఆలోచనలో ఏ కాంగ్రెస్ కార్యకర్త కూడా ఉండరని ఆ పార్టీ పేర్కొంది.
మోదీని మాత్రం వెటకారం చేస్తాం..
"అయితే, తనను తాను దేవుడని చెప్పుకుంటూ దేశంలోని విశ్వాసులను అవమానించే ప్రధాని నరేంద్ర మోదీని మాత్రం ఎగతాళి చేయడానికి పార్టీ వెనుకాడదు" అని కాంగ్రెస్ చేసిన పోస్ట్ పేర్కొంది. ఆ విధంగా, మోదీ "సిగ్గులేని రాజకీయ క్రీడలను" ఎగతాళి చేసే కాంగ్రెస్ ప్రయత్నాన్ని పోప్‌ను అవమానించినట్లుగా చిత్రీకరించడానికి బిజెపి రాష్ట్ర చీఫ్ కె సురేంద్రన్, ఇతరుల మతతత్వ మనస్సులను ప్రజలు అర్థం చేసుకుంటారని పేర్కొంది.
సురేంద్రన్‌తో పాటు ఈ అంశంపై దుమారం రేపిన ఇతర బీజేపీ నేతలపై విమర్శలు గుప్పించిన కాంగ్రెస్, క్రైస్తవులను ఆత్మగౌరవం లేని, మతపరమైన విషాన్ని వ్యాపింపజేసే వ్యక్తుల సమూహంగా "కించపరచడం" బీజేపీ నాయకుల ప్రయత్నమని విమర్శించింది.
"క్రైస్తవ సమాజంపై నిజమైన ప్రేమ ఉంటే, మణిపూర్‌లో తమ చర్చిలను తగులబెట్టినప్పుడు మౌనంగా ఉన్న మోదీ, అతని సహచరులు మొదట క్రైస్తవులకు బేషరతుగా క్షమాపణలు చెప్పాలి" అని పార్టీ డిమాండ్ చేసింది.
రాడికల్ ఇస్లామిక్, అర్భన్ నక్సలైట్లు నడుపుతున్నారా?
G7 సమ్మిట్ సందర్భంగా పోప్ ఫ్రాన్సిస్‌తో మోదీ సమావేశంపై కాంగ్రెస్ పార్టీ చేసిన అవహేళనపై బీజేపీ విరుచుకుపడింది. కాంగ్రెస్ పార్టీ సామాజిక మాధ్యమం ఎక్స్ ఖాతాను రాడికల్ ఇస్లామిస్ట్ లేదా అర్భన్ నక్సల్స్ నడుపుతున్నారా అని ప్రశ్నించింది.
కాంగ్రెస్ పార్టీ గతంలో తన X హ్యాండిల్‌పై పోప్‌తో ఉన్న ప్రధాని మోదీ చిత్రాన్ని పోస్ట్ చేసింది, దానితో పాటు వ్యంగ్య వ్యాఖ్యతో పాటు, "చివరిగా, పోప్‌కు దేవుడిని కలిసే అవకాశం వచ్చింది!" అని వ్యాఖ్యానించింది. ఈ పోస్ట్‌పై ఆగ్రహం వ్యక్తం చేసిన బిజెపి రాష్ట్ర చీఫ్ సురేంద్రన్, కాంగ్రెస్ రాష్ట్ర యూనిట్ తన సోషల్ మీడియా హ్యాండిల్‌లో జాతీయ నాయకులపై అవమానకరమైన కంటెంట్‌ను పోస్ట్ చేసిందని ఆరోపించారు.
ఏఐసిసి ప్రధాన కార్యదర్శి కెసి వేణుగోపాల్‌కు ఈ పోస్టు గురించి ఖచ్చితంగా తెలుసని, పార్టీ చీఫ్ మల్లికార్జున్ ఖర్గే, సీనియర్ నాయకుడు రాహుల్ గాంధీ దీనిని ఆమోదించారా లేదా అని ఆయన ప్రశ్నించారు. దీనిపై కాంగ్రెస్ పార్టీ మరోసారి వ్యంగ్యంగా సమాధానం ఇచ్చింది. మోదీ కా పరివార్ లో భాగమైన సురేంద్రన్ కు మరోసారి మంచి జరగాలని పరోక్షంగా కేరళ ఎన్నికల్లో ఆ పార్టీకి సీట్లు రాని విషయాన్ని ప్రస్తావించింది.
ప్రధాని మోదీ శుక్రవారం పోప్ ఫ్రాన్సిస్‌ను భారతదేశాన్ని సందర్శించాల్సిందిగా ఆహ్వానించారు. ప్రజలకు సేవ చేయడంలో పోప్ నిబద్ధతను తాను మెచ్చుకున్నానని అన్నారు.
ఇటలీలో జరిగిన G7 సమ్మిట్ యొక్క ఔట్‌రీచ్ సెషన్‌లో వారు ఆర్టిఫిషియల్ ఇంటెలిజెన్స్, ఎనర్జీ, ఆఫ్రికా, మెడిటరేనియన్ అనే అంశంపై చర్చించడానికి ఇతర ప్రపంచ నాయకులతో కలిసి చర్చలు జరిపారు.
Next Story
