అందుబాటులోకి వచ్చిన UPI పిన్‌ఫ్రీ సేవలు..

యూనిఫైడ్ పేమెంట్స్ ఇంటర్‌ఫేస్ (UPI) సేవలను మరింత సరళీకరించారు. ఇప్పటివరకు పిన్ ఆధారంగా చెల్లింపులు జరిగేవి. ఇకపై ముఖ ఆధారిత లేదా వేలిముద్ర ఆధారంగా క్యాష్ పేమెంట్ చేయొచ్చు. అక్టోబర్ 8 నుంచి ఈ సౌకర్యం అందుబాటులోకి వచ్చింది.

ముంబైలో జరిగిన గ్లోబల్ ఫిన్‌టెక్ ఫెస్టివల్ సందర్భంగా ఈ ఫీచర్‌ను ప్రవేశపెట్టారు. ఈ మార్పు లక్షలాది మందికి ప్రయోజనం చేకూర్చనుంది. కొంతమంది సీనియర్ సిటిజన్లు, గ్రామీణులు, నిరక్షరాస్యులు పాస్‌వర్డ్‌ లేదా పిన్‌ మరిచిపోతుంటారు. ఈ సమస్యను అధిగమించేందుకు సాంకేతికను అప్‌గ్రేడ్ చేశారు. ఆధార్-లింక్డ్ బయోమెట్రిక్ డేటా ఆధారంగా పనిచేసే ఈ వ్యవస్థ వల్ల డబ్బు లావాదేవీల్లో దుర్వినియోగం జరిగే అవకాశాలు తక్కువ అని సైబర్ భద్రతా నిపుణులు చెబుతున్నారు.