మైనర్ బాలికపై ఉపాధ్యాయులపై అత్యాచారం
ఐదుగురు ప్రయివేట్ పాఠశాల ఉపాధ్యాయలను అదుపులోకి తీసుకున్న పోలీసులు
చదువు చెప్పాల్సిన ఉపాధ్యాయులే దారి తప్పారు. తన దగ్గర చదువుకుంటున్న బాలిక మీదే కన్నేసి రోజుల తరబడి అత్యాచారానికి ఒడిగట్టారు. ఈ సంఘటన ఒడిశాలో కేంద్ర పారా జిల్లాలో జరిగింది. 13 ఏళ్ల బాలికపై ప్రయివేట్ పాఠశాల ఉపాధ్యాయులు ఆత్యాచారం చేసిన సంగతి తాజాగా వెలుగులోకి వచ్చింది.
నిందితులైన ఉపాధ్యాయులు మైనర్పై అత్యాచారం చేశారని ఆరోపిస్తూ 7వ తరగతి విద్యార్థి తండ్రి, జిల్లా బాలల సంక్షేమ కమిటీ రాజ్కనికా పోలీస్ స్టేషన్లో వేర్వేరుగా ఫిర్యాదులు చేసిన తర్వాత శనివారం అరెస్టులు జరిగాయని ఒక సీనియర్ అధికారి తెలిపారు.
ఉపాధ్యాయులు తనపై చాలా కాలంగా లైంగిక వేధింపులకు పాల్పడుతున్నారని తమ కుమార్తె ఆరోపించడంతో విద్యార్థి తల్లిదండ్రులు జిల్లా బాలల సంక్షేమ కమిటీని ఆశ్రయించారని ఆయన చెప్పారు. కమిటీ మొదట ఈ ఆరోపణపై దర్యాప్తు చేసి, విషయాన్ని పోలీసులకు చేరవేసిందని అధికారి తెలిపారు.
“ఫిబ్రవరి 18న ఫిర్యాదు నమోదైంది. 48 గంటల పాటు జరిగిన దర్యాప్తు తర్వాత, చట్టపరమైన చర్య కోసం మేము కేసును పోలీసులకు అప్పగించాము” అని బాలల సంక్షేమ కమిటీ సభ్యురాలు స్వాగతిక పాత్ర తెలిపారు. ఈ ఆరోపణపై ప్రత్యేక దర్యాప్తు చేపట్టాలని జిల్లా విద్యాశాఖ అధికారిని కూడా ప్యానెల్ ఆదేశించిందని ఆమె చెప్పారు.
"ప్రాథమిక దర్యాప్తు ఆధారంగా నిందితులైన ఉపాధ్యాయులను అరెస్టు చేశారు. తదుపరి దర్యాప్తు కొనసాగుతోంది" అని రాజ్కనికా పోలీస్ స్టేషన్ ఇన్స్పెక్టర్-ఇన్చార్జ్ సంజయ్ మల్లిక్ అన్నారు. ఇంతలో, ప్రతిపక్ష బిజెడి కేంద్రపారా ఎస్పీకి ఒక మెమోరాండం సమర్పించి, నిందితులకు కఠినమైన శిక్ష విధించాలని డిమాండ్ చేసింది.
Next Story