బెంగాల్ ప్రజలు కొత్త రాజకీయ వేదికను కోరుకుంటున్నారా?

ఈ సంఘటన రాజకీయ అనుబంధాలకు అతీతంగా ఒక స్థిరమైన ప్రజా ఉద్యమాన్ని రేకెత్తించింది. అన్ని వర్గాల పౌరులు న్యాయం, జవాబుదారీతనం కోసం డిమాండ్ చేస్తున్నారు. బెనర్జీ అధికారంలోకి వచ్చినప్పటి తరువాత దీనిని అత్యంత బలీయమైన పౌర ఉద్యమంగా మార్చాయి. ఆమె పరిపాలనలో పాలన, భద్రతపై ప్రజలు తీవ్ర నిరాశకు గురయ్యారు.

పశ్చిమ బెంగాల్‌లో సాధారణ పౌరులు, విద్యార్థులు, అధికార TMC, ప్రతిపక్ష BJP, CPI(M) పట్ల విసుగు చెంది ఈ ఉద్యమాలు చేస్తున్నారు. ఇది కొత్త రాజకీయ భూమిక సృష్టిస్తుందని రాజకీయ పరిశీలకులు, నాయకులు భావిస్తున్నారు.

"ఉద్యమ బలం సాంప్రదాయ రాజకీయ బ్యానర్ల నుంచి స్వతంత్రంగా ఉంటుంది. ఇది న్యాయం, పారదర్శకత, సమర్థవంతమైన పాలన కోసం విస్తృత డిమాండ్‌ను ప్రతిబింబిస్తుంది. ఇది ఇప్పటికే ఉన్న ప్రతిపక్ష పార్టీలలో నాయకత్వ శూన్యతను బహిర్గతం చేసింది. ఇది నిరసనకారులతో జతకట్టడం ద్వారా కొత్త పార్టీని పూరించగలదు" అని రాజకీయ శాస్త్రవేత్త మైదుల్ ఇస్లాం అన్నారు.

ప్రజల స్పందన తీవ్రంగా ఉంది, వేలాది మంది వైద్య నిపుణులు, విద్యార్థులు, కార్యకర్తలు, సాధారణ పౌరులు కోల్‌కతా తో పాటు ఇతర ప్రధాన నగరాల వీధుల్లోకి వచ్చి నిరసనలు వ్యక్తం చేశారు. దాని ప్రతిస్పందనలో మొదట్లో "నెమ్మదిగా, వివాదాస్పదంగా" బలంగా ప్రజా ఉద్యమంగా రూపొందుతోంది. బెంగాల్ సీఎం చేసిన ప్రసంగాలు, తప్పును పక్క వారిపై నెట్టేసే చర్యలపై ప్రజలు విసుగు చెందారు. బెనర్జీ పరిపాలనపై ప్రజలు నమ్మకం కోల్పోయారు.

"కోల్‌కతా పోలీసులు ప్రధాన నిందితుడిని 24 గంటల్లో అరెస్టు చేశారు" అని, కానీ తరువాత బాధితురాలి తల్లిదండ్రులు బయటకు వెల్లడించిన విషయాలు ప్రభుత్వం నేరాన్ని కప్పిపుచ్చడానికి ఎంత ప్రయత్నం చేసిందో వెల్లడించింది. ఇది ప్రజలకు అసహ్యం కలిగించాయని ఒక టీఎంసీ నాయకుడు ఓ జాతీయ మీడియాకు చెప్పారు.

టిఎంసి అధికార ప్రతినిధి క్రిషాను మిత్రా మాట్లాడుతూ "బిజెపి పాలిత రాష్ట్రాల మాదిరిగా కాకుండా పశ్చిమ బెంగాల్‌లో ఆందోళనలకు ప్రజాస్వామ్య స్థలం ఉందని నిరసనలు రుజువు చేస్తున్నాయి" అని పేర్కొంటూ న్యాయం పట్ల పార్టీ నిబద్ధతను సమర్థించారు. ఏదీ ఏమైనప్పటికీ ఈ సంఘటన ప్రజాక్షేత్రంలో ఇది పార్టీని ఇబ్బందుల్లోకి నెట్టిందని రుజువు చేసింది.

ఈ ఘటన అధికార టీఎంసీలో కూడా విభేదాలు తెచ్చిపెట్టింది. రాజ్యసభలో టిఎంసి నేత సుఖేందు శేఖర్ రే 'రీక్లెయిమ్ ది నైట్' కార్యక్రమానికి బహిరంగంగా మద్దతు ఇవ్వడంతో పాటు అరెస్టు చేసిన ఆర్‌జి కర్ మెడికల్ కాలేజ్ అండ్ హాస్పిటల్ మాజీ ప్రిన్సిపాల్ సందీప్ ఘోష్, కోల్‌కతా పోలీస్ కమిషనర్ వినీత్‌ను ప్రశ్నించాలని సిబిఐని కోరడంతో పార్టీ ఎదురుదెబ్బ తగిలింది.

ఇంతలో, అవినీతి వైద్యులపై రాష్ట్ర ప్రభుత్వం చర్య తీసుకోకపోవడంతో విసుగు చెంది, తన సహోద్యోగి జవహర్ సిర్కార్ రాజ్యసభకు రాజీనామా చేస్తున్నట్లు ప్రకటించారు. రాజకీయాల నుంచి ఆయన నిష్క్రమించారు.

మహిళలకు ప్రాథమిక భద్రత కల్పించడంలో అధికార పార్టీ విఫలమైందని ఆరోపిస్తూ దూకుడు ప్రచారాలను ప్రారంభించాయి ప్రతిపక్ష బీజేపీ, సీపీఎం పార్టీలు. ఈ విషాదంపై తమ రాజకీయ గోడలను బలంగా నిర్మించుకోవడానికి చూస్తున్నాయి.

"సురక్షిత వాతావరణాన్ని అందించడంలో TMC వైఫల్యానికి ఇది ప్రత్యక్ష పరిణామం. హోం మంత్రిగా ఉన్న బెనర్జీ వెంటనే రాజీనామా చేయాలి" అని బిజెపి సీనియర్ నాయకుడు సువేందు అధికారి ర్యాలీలో అన్నారు. అలాగే సీపీఐ(ఎం) వ్యవస్థాగత పాలనా వైఫల్యాలను ఈ సంఘటన ఎత్తిచూపింది.

పౌరసమాజం, సామాన్యులు, వైద్యులు నిర్వహించే ప్రజాఉద్యమాలను చేరుకోవడంలో ప్రతిపక్షాలు విఫలమయ్యాయని రాజకీయ విశ్లేషకులు ఎత్తిచూపారు. గత 13 సంవత్సరాల TMC పాలనలో లేని పౌర సమాజ ఉద్యమాల శక్తిని RG కర్ సంఘటన మళ్లీ తెరపైకి తెచ్చింది. ఇది ప్రతిపక్షాలు వైఫల్యంతోనే ప్రజలు స్వచ్చందంగా ఉద్యమాలు చేశారని చెప్పవచ్చు.

‘‘ ఈ యాదృచ్ఛిక ప్రజా ఉద్యమంలో TMCని సవాలు చేయడానికి ప్రజలు కొత్త రాజకీయ శక్తి కోసం తహతహలాడుతున్నారని చూపించింది" అని రాజకీయ శాస్త్రవేత్త బిశ్వనాథ్ చక్రవర్తి అన్నారు.

ఇదే విధమైన అభిప్రాయాలను ప్రతిధ్వనిస్తూ, రాజకీయ విశ్లేషకుడు సుమన్ భట్టాచార్య మాట్లాడుతూ, TMC పట్టణ ఓట్లలో, ముఖ్యంగా మహిళల్లో చుక్కలు వ్యతిరేకత ఉన్నప్పటికీ, CPI(M), BJP లకు దీని వల్ల ప్రయోజనం ఉండదని అన్నారు. కొత్త రాజకీయ పార్టీని సృష్టించే ప్రయత్నం జరగుతోందని అక్కడి రాజకీయ విశ్లేషకులు కూడా అభిప్రాయపడుతున్నారు. కానీ వచ్చే పార్టీ ఎంతవరకూ సక్సెస్ అవుతుందనే విషయంలో మాత్రం ఇప్పుడే చెప్పలేమని అంటున్నారు.

ప్రస్తుతం బెంగాల్ లో జరుగుతున్న పోరాటాన్ని మహిళల స్వేచ్ఛ కోసం జరుగుతున్న కొత్త పోరాటంగా రిమ్ జిమ్ సిన్హా అభివర్ణించారు. ఆమె ‘‘ రీ క్లెయిమ్ ది నైట్’’ అనే కార్యక్రమాన్ని నిర్వహిస్తున్నారు.

"నేను రాజకీయాల గురించి మాట్లాడదలుచుకోలేదు, కానీ మహిళల హక్కులు, హక్కుల కోసం పోరాడడంలో అన్ని రాజకీయ పార్టీలు విఫలమయ్యాయనేది వాస్తవం. పార్టీలు మా హక్కుల కోసం పోరాడటానికి సీరియస్ కాకపోతే, మేము దానిపై పోరాడతాము " అని ఆమె అన్నారు.