‘‘పూరీ ఆలయంలోకి పెళ్లి కానీ జంటలు వస్తే విడిపోతారంటా’’

ప్రసిద్ధ పుణ్యక్షేత్రమైన శ్రీ జగన్నాథ ఆలయంపై యూట్యూబర్ శుభాంకర్ మిశ్రా చేసిన ఆరోపణపై ఆలయ కమిటీ తీవ్ర ఆగ్రహం వ్యక్తం చేసింది. ఆయన చేసిన వీడియో తీవ్రంగా వైరల్ కావడంతో శ్రీ జగన్నాథ ఆలయ పరిపాలన(ఎస్జేటీఏ) శనివారం ఒక కమిటీని ఏర్పాటు చేసింది.

మిశ్రా చేసిన వీడియో పై ఈ చర్య తీసుకున్నట్లు ఎస్జేటీఏ డిప్యూటీ చీఫ్ అడ్మినిస్ట్రేటర్ అయిన కలెక్టర్ దిబ్యా జ్యోతి పరిదా తెలిపారు. రాధా రాణి పూరి జగన్నాథ్ ను శపించిన కారణంగా ఆలయాన్ని పెళ్లికానీ జంటలు విడిపోతారని వీడియోలో తెలిపారు.

రాధా రాణి సేవకులు ఆలయంలోకి ప్రవేశించడానికి నిరాకరించారని, దానితో ఆమె మందిరాన్ని శపించారని కూడా శుభాంకర్ చెప్పారు. ‘‘ ఈ వీడియో మా దృష్టికి వచ్చింది. ఒక కమిటీ దానిని పరిశీలిస్తోంది.

పుణ్యక్షేత్రం గురించి తప్పుడు సమాచారం, పుకార్లు, వాస్తవాన్ని వక్రీకరించే వారిపై చర్యలు తీసుకోవడానికి పరిశీలిస్తున్నారు. అలాంటి కంటెంట్ ను ప్రసారం చేసే వారు కచ్చితంగా చట్టపరమైన చర్యలు ఎదుర్కొంటారు’’ అని పరిదా అన్నారు.