టీచర్ రిక్రూట్ మెంట్ స్కామ్: కోల్ కతాలో ‘ఈడీ’ దాడులు

కోల్ కతను ఆనుకుని ఉన్న న్యూ టౌన్ లోని పాతర్ ఘాటా మజార్ షరీఫ్ ప్రాంతంలో నివాసం ఉంటున్న ఒ టీచర్, అరెస్ట్ అయిన రాష్ట్ర మాజీ విద్యాశాఖ మంత్రి పార్థ చటర్జీకి సన్నిహితుడిగా తేలింది. ఈ టీచర్ ఇంట్లో ఐదుగురు సభ్యులతో కూడిన దర్యాప్తు బృందం సోదాలు నిర్వహించింది. అలాగే నగరంలోని ఉత్తర భాగంలో కల నాగర్ బజార్ లో ప్రాంతంలో నివాసం ఉన్న ఓ అకౌంటెంట్ ఇళ్లలో కూడా సోదాలు జరుగుతున్నాయని అధికారులు తెలిపారు.

రాజర్ హాట్ ప్రాంతంలో నివాసం ఉన్న పలు వ్యాపారుల ఇళ్లలో కూడా సోదాలు జరిగాయి. వీరికి ఈ కుంభకుణంలో ప్రమేయం ఉన్నట్లు ఆధారాలు లభించడంతో ఈ సోదాలు జరిగాయి. వీరితో పాటు మరికొందరు వ్యాపారులు, టీచర్లు, దళారుల ఇళ్లలో కూడా ఈడీ శుక్రవారం సోదాలు జరిపి కీలక పత్రాలు సేకరించింది. ఈ వ్యవహారంలో కోట్లాది రూపాయలు చేతులు మారినట్లు తెలుస్తోంది. ఈ డబ్బు ప్రవాహాన్ని ట్రాక్ చేయడానికి ఈడీ ప్రయత్నిస్తోంది.