అక్రమ మసీదుపై చర్యలు తీసుకోవాలంటూ సిమ్లాలో ఆందోళనలు
హిమాచల్ ప్రదేశ్ లో అక్రమ మసీదుల నిర్మాణంపై స్థానికులు చేస్తున్న ఆందోళన తీవ్ర ఉద్రిక్తతకు దారి తీసింది. నిరసనకారులపై పోలీసులు లాఠీ చార్జీ చేయడంతో..
హిమాచల్ ప్రదేశ్ రాజధాని సిమ్లాలో ప్రభుత్వ భూమిని ఆక్రమించి అక్రమ మసీదును ఏకంగా ఐదు అంతస్తుల్లో నిర్మించి అందులో స్థానికేతరులను నివాసం పెట్టడంపై స్థానికులు కొద్ది రోజులగా ఆందోళన చేస్తున్నారు. బుధవారం కూడా స్థానికులు మసీదు వద్ద ఆందోళన నిర్వహించే ప్రయత్నం చేశారు. పోలీసులు నిరసనను అడ్డుకోవడానికి ప్రయత్నించడంతో ఘర్షణ ఏర్పడింది.
రాజధానిలోని సంజౌలి ప్రాంతంలో మసీదు వైపు కవాతు చేస్తున్నప్పుడు పోలీసులు ఏర్పాటు చేసి బారికేడ్లను నిరసనకారులు బద్ధలు కొట్టడంతో లాఠీ చార్జీ జరిగింది. అయిన అదుపు రాకపోవడంతో వాటర్ కెనాళ్లు ఉపయోగించారు. హిమాచల్ నే తానా హై, దేవభూమి కో బచానా హై, భారత్ మాతా కీ జై అంటూ నిరసనకారులు నినాదాలు చేశారు.
బీజేపీ చేసింది: కాంగ్రెస్
హిందూ-ముస్లిం సమస్యను సృష్టించేందుకు బిజెపి ప్రయత్నిస్తోందని ముఖ్యమంత్రి సుఖ్‌విందర్ సింగ్ సుఖు సలహాదారు నరేష్ చౌహాన్ ఆరోపించారు. హిందూ సంఘాలు ఈ నిరసనకు పిలుపునిచ్చాయని ఆయన ఆరోపించారు. ఆందోళన చేసిన ప్రజలందరూ, నాకు వ్యక్తిగతంగా తెలుసు. ఈ 20-25 మంది బీజేపీ కార్యకర్తలు, వారు బీజేపీ టిక్కెట్‌పై ఎన్నికల్లో పోటీ చేశారని చౌహాన్ అన్నారు.
“బీజేపీ దీనిని జాతీయ సమస్యగా మార్చాలనుకుంటోంది, కానీ వాస్తవం ఏమిటంటే ఇది హిందూ-ముస్లిం సమస్య కాదు. ఇది శాంతిభద్రతల పరిస్థితి. చట్టం తన పనిని తీసుకుంటుంది,” అని ఆయన అన్నారు.
'చట్టం తన పని తాను చేసుకుంటుంది'
అనధికార నిర్మాణాలు జరిగితే ప్రభుత్వం చర్యలు తీసుకుంటుందని తెలిపారు. "ఇందులో రాజకీయ అవకాశాలను చూసే కొంతమందికి మద్దతు లభించదు." మసీదులో అక్రమ నిర్మాణం జరిగిందని ఆరోపించిన అంశాన్ని మున్సిపల్ కోర్టు విచారిస్తోందని, చట్టం తన పని తాను చేసుకుంటుందని ముఖ్యమంత్రి సుఖు చెప్పారు.
మంగళవారం, ప్రభావిత ప్రాంతంలో నలుగురు లేదా అంతకంటే ఎక్కువ మంది ప్రజలు సమావేశాన్ని అధికారులు నిషేధించారు. కానీ బుధవారం, నిరసనకారులు వీధుల్లోకి వచ్చి నిషేధ ఆజ్ఞలను ధిక్కరించారు.
శాంతిభద్రతలకు సీఎం విజ్ఞప్తి
"మా రాష్ట్రంలో ఎప్పుడూ మతపరమైన అల్లర్లు జరగలేదు, హిమాచల్‌ను దేవభూమి అని పిలుస్తారు," అని సుఖు అన్నారు. నిరసనలు చేయడం ప్రజల హక్కు, అయితే అంతా చట్ట పరిధిలోనే జరగాలి’’ అని ఆయన అన్నారు.
'హిందువుల మనోభావాలు దెబ్బతింటాయి'
మరోవైపు అక్రమ నిర్మాణాలపై ప్రభుత్వం జాప్యం చేస్తోందని బీజేపీ నేత జైరాం ఠాకూర్ ప్రభుత్వంపై మండిపడ్డారు. "ప్రభుత్వం దీనికి వ్యతిరేకంగా చురుకైన చర్యలు తీసుకోవాలి, ఆలస్యం కారణంగా ప్రజలు ఆందోళన చెందుతున్నారు. హిందువులు, స్థానిక ప్రజల మనోభావాలను గౌరవించాలి" అని ఆయన అన్నారు.
Next Story
