హర్యానా లో బీజేపీకి మహిళలు తలనొప్పులు తెప్పిస్తున్నారా?

హర్యానాలో రాజకీయాలను తనకు అనుకూలంగా మార్చుకునేందుకు బీజేపీ విశ్వప్రయత్నాలు చేస్తోంది. పది సంవత్సరాల పాటు అధికారంలో ఉండటం, రైతులు, క్రీడాకారులతో తగవులు, అధికార వ్యతిరేకతతో కమలదళానికి రాష్ట్రంలో ఎదురుగాలి వీస్తోంది.

ఈ నేపథ్యంలో కాంగ్రెస్ లో కినుక వహించిన ఎంపీ కుమారి సెల్జాను తమ పార్టీలో చేర్చుకునేందుకు తీవ్రంగా ప్రయత్నించింది. అయినప్పటికీ ఈ విషయంలో విజయం సాధించలేకపోయింది. అంతకు ముందు కిరణ్ చౌధరిని పార్టీలోకి చేర్చుకుంది. ఇలా మహిళా నేతలను పార్టీలోకి ఆహ్వనించడానికి కారణం ఏంటీ.. ఎందుకు? హర్యానాలోని జాట్‌లు, దళితులలో ఇద్దరు మహిళలకు వరుసగా ఫాలోయింగ్ ఉన్నందుకా? లేక ఇంకేమైనా ఉందా?