కంగనా రనౌత్, మండి, లోక్ సభ ఎంపీ
కంగన ఎన్నికను సవాల్ చేసిన స్థానికుడు.. ఎందుకంటే..
మండి నియోజకవర్గం నుంచి ఎంపిగా గెలిచిన బాలీవుడ్ నటి కంగన ఎన్నిక ను స్థానికుడు ఒకరు హైకోర్టు లో ఛాలెంజ్ చేశారు. తన నామినేషన్ తిరస్కరించారని ఈ ఎన్నికను..
ప్రముఖ బాలీవుడ్ నటీ, ఫైర్ బ్రాండ్ కంగనా రనౌత్ మండి నుంచి ఎంపికగా ఎన్నికైంది. అయితే ఈ ఎన్నికను స్థానిక నివాసి ఒకరు హిమాచల్ ప్రదేశ్ హైకోర్టు ఛాలెంజ్ చేయగా, కోర్టు కంగనాకు నోటీసు పంపింది. తను కూడా లోక్ సభ ఎన్నికల్లో పోటీ చేయడానికి నామినేషన్ దాఖలు చేయగా, నియోజకవర్గాన్ని తప్పుగా చూపించారనే కారణంతో తన నామినేషన్ ను రిజెక్ట్ చేశారని పిటిషన్ లో ఆరోపించారు. దీనిపై ఆగస్టు 21లోగా సమాధానం ఇవ్వాలని జస్టిస్ జ్యోత్స్నా రేవాల్ నోటీసు జారీ చేశారు.
మండి లోక్‌సభ స్థానం నుంచి రనౌత్ తన ప్రత్యర్థి కాంగ్రెస్ అభ్యర్థి విక్రమాదిత్య సింగ్‌పై 74,755 ఓట్లతో విజయం సాధించారు. సింగ్‌కు 4,62,267 ఓట్లు రాగా, ఆమెకు 5,37,002 ఓట్లు వచ్చాయి. రనౌత్ ఎన్నికను పక్కన పెట్టాలని విజ్ఞప్తి చేస్తూ, పిటిషనర్, లాయక్ రామ్ నేగి, తన నామినేషన్ పత్రాలను రిటర్నింగ్ అధికారి (డిప్యూటీ కమిషనర్, మండి) తప్పుగా తిరస్కరించారని పేర్కొన్నారు. అటవీ శాఖ మాజీ ఉద్యోగి నేగి మాట్లాడుతూ తనకు అకాల రిటైర్మెంట్ వచ్చిందని, రిటర్నింగ్ అధికారికి నామినేషన్ పత్రాలతో పాటు డిపార్ట్‌మెంట్ నుంచి "నో డ్యూస్ సర్టిఫికేట్" సమర్పించానని చెప్పాడు.
అయితే విద్యుత్‌, నీరు, టెలిఫోన్‌ శాఖల నుంచి ‘నో డ్యూ సర్టిఫికేట్’ సమర్పించేందుకు ఒక రోజు గడువు ఇవ్వగా, రిటర్నింగ్ అధికారి వాటిని ఆమోదించకపోవడంతో నామినేషన్ పత్రాలను తిరస్కరించారు. తన పత్రాలను ఆమోదించి ఉంటే ఎన్నికల్లో గెలవగలనని, ఎన్నికలను పక్కన పెట్టాలని కోరారు.
Next Story
