నిశ్శబ్ధంగా విస్తరిస్తున్న ఎన్డీఏ, స్పీకర్ ఎన్నికతో రుజువైందా?
లోక్ సభ స్పీకర్ ఎన్నిక అధికారంలో ఉన్న ఎన్డీఏ బలం పెరిగినట్లు తెలియగా, విపక్ష పార్టీల్లోని అనైక్యత ఇప్పుడు బయటపడింది. మీడియాలో చేస్తున్న ప్రచారం అంతా నాటకమే అని
లోక్ సభ స్పీకర్ ఎన్నికల్లో బీజేపీ నేతృత్వంలోని ఎన్డీఏ విజయవంతంగా తొలి అడుగు వేసింది. మరో ఐదేళ్ల కాలానికి ఓంబిర్లాను పెద్ద కష్టపడకుండానే ఎన్నుకుంది. దీనికి ప్రతిపక్షంలోని బలహీనతలను బహిర్గతం చేస్తూ మరీ ఎన్నిక నిర్వహించుకుంది. ఒక పిట్టకు రెండు దెబ్బలు అన్నట్లు ఎన్డీఏ వ్యవహరించింది. అయితే ఆశ్చర్యకరంగా స్పీకర్ ఎన్నికకు శిరోమణి అకాలీదళ్, వైఎస్సార్ సీపీ లాంటి చిన్న పార్టీలు ఎన్డీఏకు సాయం చేశాయి. దీనితో మరోసారి ఎన్డీఏ కూటమి విస్తరణకు అవకాశం కలిగింది. బిర్లా ఎన్నికను కనీసం ఐదుగురు స్వత్రంత్ర ఎంపీల మద్ధతు లభించింది.
ముఖ్యమైన విజయం
విపక్షాలను డైలామాలో పడేయటమే కాకుండా, వాటిని విభజించడంలో ప్రధాని మోదీ విజయవంతం అయ్యారని బీజేపీ నాయకులు భావిస్తున్నారు. మొదట ఎన్డీఏనే విపక్షం అనిశ్చితిలో పడేసిందనే భావన కలిగించిన అధికార పార్టీ సరిగ్గా వ్యూహాం అమలు చేసి తన పని సజావుగా సాధించుకుంది.
స్పీకర్ పదవిపై ఎన్‌డిఎలో విభేదాలు ఉన్నాయని కాంగ్రెస్, దాని భాగస్వామ్య పక్షాలు చేస్తున్న ప్రచారం ఫ్లాట్ అయ్యిందని చంద్రబాబు నాయుడు స్పీకర్ పదవిని డిమాండ్ చేస్తున్నారనే అభియోగం అబద్ధమని, ఇది బిర్లా విజయంతో రుజువు అయిందని కూటమి నాయకులు భావిస్తున్నారు.
“బిర్లా ఎన్నిక BJP- NDA లకు చాలా ముఖ్యమైన విజయం. కాంగ్రెస్ నాయకత్వం మీడియాలో ప్రచారం చేస్తున్న దానికి భిన్నంగా ఎన్‌డిఎ భాగస్వాములందరితో బిజెపి మంచి స్నేహపూర్వక సంబంధాలను కొనసాగించగలిగిందని ఇది రుజువు చేస్తుంది. ఎన్‌డిఎలో విభేదాలు సృష్టించే ప్రయత్నం విఫలమైంది” అని బిజెపి రాజ్యసభ సభ్యుడు లహర్ సింగ్ సిరోయా ఫెడరల్‌తో అన్నారు.
కాంగ్రెస్ వ్యూహాన్ని ఎండగట్టారు
లోక్‌సభలో డిప్యూటీ స్పీకర్ పదవి కోసం కాంగ్రెస్ చేస్తున్న వ్యూహాలపై స్పందించకూడదని బీజేపీ నిర్ణయించింది. "ప్రతిపక్ష కూటమిలో విభజన ఇప్పుడు బహిరంగమైంది. అయితే NDA సారూప్య పార్టీల సాయంతో తన బలాన్ని పెంచుకోగలిగింది" అని సిరోయా అన్నారు.
ఓట్ల విభజన లేకుండా స్పీకర్ వాయిస్ ఓటు ద్వారా ఎన్నికైనప్పటికీ, లోక్‌సభలో తమకు కనీసం 303 మంది సభ్యుల మద్దతు ఉంటుందని ఎన్‌డిఎ నాయకులు విశ్వాసం వ్యక్తం చేశారు.
ఎన్డీయేకు భారీ మద్దతు
పార్లమెంటరీ ఎన్నికల తర్వాత హంగ్ హౌస్‌ లో NDA మొదటిసారి "300 మార్కును దాటగలిగింది". ఆంధ్రప్రదేశ్ మాజీ ముఖ్యమంత్రి వైఎస్ జగన్ మోహన్ రెడ్డికి చెందిన వైఎస్సార్ సీపీ పార్టీ నలుగురు ఎంపీలు, శిరోమణి అకాలీదళ్ (ఎస్‌ఎడి) సభ్యుడు ఎన్డీయేకు మద్దతు ఇచ్చారు. వచ్చే ఐదేళ్ల పాటు ఈ సహకారం కొనసాగుతుందని ఎన్డీయే నేతలు భావిస్తున్నారు.
అకాలీదళ్..
“శిరోమణి అకాలీదళ్(ఎస్ఏడీ) గతంలో NDAతో కలిసి పనిచేసింది. ప్రస్తుత లోక్ సభ లో అందించిన ఈ సహకారం పార్లమెంటులో కొనసాగుతుంది. మేము ఎల్లప్పుడూ పార్లమెంటులో బిజెపి, ఎన్‌డిఎతో కలిసి పనిచేశాము ఇప్పుడు దానిని కొనసాగిస్తాము, ”అని SAD ప్రధాన కార్యదర్శి, మాజీ లోక్‌సభ సభ్యుడు ప్రేమ్ సింగ్ చందుమజ్రా ది ఫెడరల్‌తో అన్నారు.
పంజాబ్‌లో జాతీయంగా కాంగ్రెస్‌ను వ్యతిరేకిస్తున్నందున తమ పార్టీ ఇండి కూటమికి మద్దతు ఇవ్వలేదని SAD నాయకులు చెబుతున్నారు. ఈ ఎన్నికలు రాజకీయ దుమారానికి కారణం కాకూడదని భావించి స్పీకర్‌కు మద్దతు పలికినట్లు వారు తెలిపారు.
అకాలీ వాదనలు..
అదే సమయంలో, పంజాబ్‌లో ఎస్‌ఎడిని విచ్ఛిన్నం చేయడానికి బిజెపి ప్రయత్నాలు చేస్తోందని లోక్‌సభలో ఏకైక అకాలీదళ్ సభ్యురాలు, మాజీ కేంద్ర మంత్రి హర్‌సిమ్రత్ కౌర్ బాదల్ ఆరోపించారు. “పార్టీ అధ్యక్షుడిగా సుఖ్‌బీర్ సింగ్ బాదల్ ఉండకూడదని, మరో నాయకుడికి అవకాశం కల్పించాలని చాలా మంది నాయకులు డిమాండ్ చేయడంతో పంజాబ్‌లో SAD అల్లకల్లోలంగా ఉంది. సుఖ్‌బీర్ సింగ్ బాదల్ రాజీనామాకు విపరీతమైన డిమాండ్ ఉంది” అని చందుమజ్రా అన్నారు.
JD(U) అభిప్రాయం
ఎన్‌డిఎ మిత్రపక్షమైన జనతాదళ్ (యునైటెడ్) ఇప్పటికీ ఏకాభిప్రాయ రాజకీయాల్లో పాతుకుపోయింది. ‘‘స్పీకర్ ఎన్నిక ఏకాభిప్రాయ రాజకీయాల విజయం. రాబోయే రోజుల్లో పార్లమెంటులో ఏకాభిప్రాయం ప్రబలుతుందని మేము విశ్వసిస్తున్నాము. మెజారిటీ అభిప్రాయం కాదు, ”అని పార్టీ నాయకుడు కెసి త్యాగి ది ఫెడరల్‌తో అన్నారు.
“పార్లమెంటు ప్రజాస్వామ్య విలువలు, సంప్రదాయాలను కాపాడుకోవడం చాలా ముఖ్యం... లోక్‌సభ స్పీకర్ పదవిని పార్టీ లేదా కూటమికి చెందినదిగా చూడకూడదు. స్పీకర్‌తో కలిసి పనిచేయడం అన్ని పార్టీలకు సంబంధించినది' అని ఆయన అన్నారు.
Next Story
