చైనాపై 12 శాతం సుంకాలు విధించిన భారత్

చైనా నుంచి ఇబ్బడిముబ్బడిగా దిగుమతి అవుతున్న ఉక్కు ఉత్పత్తులను కట్టడి చేయడానికి భారత్ చర్యలు తీసుకుంది. ఇటీవల బీజింగ్ నుంచి ఉక్కు ఉత్పత్తులు న్యూఢిల్లీని ముంచెతున్న నేపథ్యంలో దేశీయ ఉక్కు పరిశ్రమను రక్షించేందుకు దిగుమతి సుంకాలు విధించింది.

చైనా నుంచి వచ్చే కొన్ని రకాలు ఉక్కు ఉత్పత్తులపై 11-12 శాతం దిగుమతి సుంకం విధించింది. రాయిటర్స్ ప్రకారం.. మొదటి సంవత్సరంలో సుంకాల రేటు 12 శాతంగా ఉంది. రెండో సంవత్సరంలో ఈ సుంకం 11.5 శాతానికి తగ్గుతుంది. మూడో సంవత్సరంలో మరో 11 శాతానికి తగ్గుతుంది.

ప్రపంచంలో రెండో అతిపెద్ద ముడి ఉక్కు ఉత్పత్తిదారు అయిన భారత్, చైనా నుంచి చౌక ఉక్కు దిగుమతిలో పెరుగుదల ఎదుర్కొంటోంది. ఈ సమస్య డంపింగ్ వ్యతిరేక ఆందోళనలకు దారితీసింది. దేశీయ ఉక్కు తయారీదారులను ఇబ్బందుల్లో పడేసింది.