ఆ పార్టీకి అనుకూల వాతావరణం సృష్టిస్తున్నారు: అఖిలేష్ యాదవ్

మంగళవారం లోక్‌సభ ఎన్నికల ఫలితాలకు ముందు లక్నోలో జరిగిన విలేకరుల సమావేశంలో ఉత్తరప్రదేశ్ మాజీ ముఖ్యమంత్రి మాట్లాడారు. వచ్చే సార్వత్రిక ఎన్నికల ఫలితాల్లో విపక్ష కూటమి ఘన విజయం సాధిస్తుందని ధీమా వ్యక్తం చేశారు. విపక్షాల నేతృత్వంలోని ఇండి కూటమి విజయం సాధిస్తుందని అన్నారు. కూటమి విజయమే ప్రజల విజయంగా అభివర్ణించారు.

"ప్రజాస్వామ్యాన్ని బలోపేతం చేయడానికి మేము, మీరు (మీడియా) ప్రజల మధ్య ఉన్నాము. వారు (బిజెపి) వారి ర్యాలీలలో ప్రజలు లేరని మేము చూశాము, వారి టెంట్‌లు ఖాళీగా ఉన్నాయి.. వారికి అనుకూలంగా ఏమీ కనిపించలేదు" అని అఖిలేష్ యాదవ్ అన్నారు. ఎగ్జిట్ పోల్స్‌ను ప్రశ్నిస్తూ, ఎగ్జిట్ పోల్స్ నిర్వహించే చాలా ఏజెన్సీలు బిజెపికి బూత్ మేనేజ్‌మెంట్ గా పని చేసేవని ఆరోపించారు.

వారు (ఎగ్జిట్ పోల్స్ ఏజెన్సీలు) బిజెపికి అనుకూలంగా 'మహౌల్' (అనుకూల వాతావరణం) చేస్తున్నారు" అని ఆయన విమర్శించారు.

"ఎన్నికలు ముగిశాయి. ఎగ్జిట్ పోల్స్ చాలా విషయాలు చూపిస్తున్నాయి. చాలా విషయాలకు బిజెపి బాధ్యత వహిస్తుంది. వారు శాంతి, సోదరభావానికి విఘాతం కలిగించారు. వారు రిజర్వేషన్లను అంతం చేయాలని కుట్ర పన్నారు. అలాగే మహిళలపై నేరాలు చేయడానిక ఉసిగొల్పారు. తప్పుడు ప్రవర్తనతో రికార్డు సృష్టించారు. బీజేపీ హయాంలోనే ద్రవ్యోల్బణం, నిరుద్యోగం పెరిగి ప్రజలకు పేదలుగా మారారని అన్నారు.

లోక్‌సభ ఎన్నికల్లో బీజేపీ నేతృత్వంలోని ఎన్డీఏ భారీ మెజారిటీతో గెలుపొందడంతోపాటు ప్రధాని నరేంద్ర మోదీ వరుసగా మూడోసారి అధికారాన్ని నిలబెట్టుకుంటారని శనివారం ఎగ్జిట్ పోల్స్ అంచనా వేశాయి.

కాగా బీజేపీకి సొంతంగా 350 పైగా స్థానాలు వస్తాయని, ఎన్డీఏ కు 400 కు పైగా స్థానాలు వస్తాయని మెజారిటి ఎగ్జిట్ పోల్స్ అంచనా వేశాయి. ప్రతిపక్షాలన్నీ జట్టు కట్టిన వాటికి గరిష్టంగా 150 స్థానాలకు మించవని సర్వేలు తేల్చాయి. అయితే కాంగ్రెస్ పార్టీ వీటిని ఖండించింది. ఎగ్జాట్ పోల్స్ లో ఫలితాలు ఇండి కూటమి అనుకూలంగా వస్తాయని విశ్వసిస్తోంది. కనీసం తమ కూటమికి 295 స్థానాలకు పైగా వస్తాయంది.