రాజ్యసభలో కరెన్సీ నోట్ల కలకలం.. సింఘ్వీ సీట్లో దొరికిన పైసలు

రాజ్యసభలో శుక్రవారం ఉదయం గందరగోళం నెలకొంది. నిన్న రాజ్యసభ సమావేశాలు ముగిసిన తరువాత భద్రతా సిబ్బంది సాధారణంగా నిర్వహించిన తనిఖీలో కరెన్సీ నోట్లు లభించడం పై తీవ్ర కలకలం రేగింది. ఈ విషయన్ని రాజ్యసభ చైర్మన్ జగదీప్ ధంఖర్ వెల్లడించారు.

నోట్లు లభించిన సీటు తెలంగాణ రాజ్య సభ సభ్యుడు, అభిషేక్ మను సింఘ్వీదని తెలిపారు. దీనిపై చట్ట ప్రకారం దర్యాప్తు జరుతున్నామని చైర్మన్ వెల్లడించారు. ఈ విషయం పై కాంగ్రెస పార్టీ కూడా స్పందించింది. కరెన్సీ నోట్లు లభించడంపై దర్యాప్తు జరగాలని కోరుకుంటున్నట్లు వెల్లడించారు.

శుక్రవారం సభలో లేని సింఘ్వీ, నోట్లు తనవి కావని, గురువారం కేవలం మూడు నిమిషాలు మాత్రమే సభలో ఉన్నానని, పూర్తి విచారణకు తాను మద్దతిస్తున్నానని చెప్పారు.