ఢిల్లీ సరిహద్దులో భద్రత కట్టుదిట్టం.. రైతులు అడుగుపెట్టకుండా చర్యలు

పంట ఉత్పత్తులకు కనీస మద్ధతు ధర ప్రకటించాలని పంజాబ్ కు చెందిన రైతులు దేశ రాజధాని ఢిల్లీకి పాదయాత్ర చేపట్టిన నేపథ్యంలో రాజధాని సరిహద్దులో గల సింఘాలో భద్రతను కట్టుదిట్టం చేశారు. వందకు పైగా రైతు సంఘాలు ఈ రైతు ఉద్యమాన్ని చేపట్టాయి.

వేల మందితో బయలుదేరిన రైతు యాత్ర ప్రస్తుతం హర్యానా సరిహద్దులో గల శంభు సరిహద్దు వద్ద నిలిచిపోయింది. రైతులు తమ రాష్ట్రంలో అడుగుపెట్టకుండా హర్యానా పోలీసులు కట్టుదిట్టమైన భద్రతా చర్యలు తీసుకున్నారు. జాతీయ రహదారి వెంబడి పెద్ద పెద్ద బారికేడ్లు పెట్టి రైతులను నిలువరించారు.

అయితే ఈ రోజు మధ్యాహ్నం శంభు సరిహద్దు నుంచి పాదయాత్రను పున: ప్రారంభిస్తామని రైతులు ప్రకటించిన నేపథ్యంలో ఢిల్లీ చుట్టుపక్కల భద్రతను కట్టుదిట్టం చేశారు.