అమేఠీలో ఈ సారి ‘1980’ పునరావృతం అవుతుందా?

మే 20 న ఇక్కడ పరిస్థితి ఎలా ఉంటుంది. 1980 ల నాటి సంఘటన తిరిగి రీపీట్ అవుతుందా? లేదా మరోసారి స్మృతి ఇరానీ గెలుపొందుతుందా.. కాలమే నిర్ణయించాలి. ఇక్కడ కాంగ్రెస్ పార్టీ పోటికి నిలిపిన వ్యక్తిని గాంధీ కుటుంబపు చప్రాసీగా కేంద్రమంత్రి అభివర్ణించారు.

అమేఠి నుంచి కిషోరి లాల్ శర్మ ను కాంగ్రెస్ పార్టీ పోటీకి దింపింది. ఆయన గెలుపుకోసం రాహూల్ గాంధీ సోదరి ప్రియాంక గాంధీ మొత్తం భారాన్ని నెత్తిన వేసుకుని ప్రచారంలో తలమునకలై ఉన్నారు. అయితే రాహూల్ వర్సెస్ స్మృతి ఇరానీ పోటీ చాలా ఆసక్తికరంగా ఉండేది. కానీ ఆ ఛాన్స్ మిస్సయిపోయింది.

అమేఠీ నుంచి కాంగ్రెస్ పార్టీ కిషోరి లాల్ శర్మను రంగంలోకి దింపింది. అయితే ఇరానీ పనితీరు ఇక్కడ ఎలా ఉంది. ప్రస్తుతం ఓటర్లను మదిలో ఏం మెదులుతుంది. గడచిన ఎన్నికల్లో స్మృతి ఇరానీ కేవలం 55 వేల ఓట్ల తేడాతో రాహూల్ గాంధీని ఓడించారు. అందుకే ఈ ఎన్నికల్లో రాహూల్ గాంధీ రాయ్ బరేలీ నుంచి పోటిలోకి దిగుతున్నారు. దీనివల్ల ఓటర్ల మదిలో పశ్చాత్తాపం మెదులుతుందనిపిస్తోంది. ఇది కాంగ్రెస్ పై సానుకూల పవనాలు వీచేందుకు అనువుగా ఉన్న బలమైన సెంటిమెంట్.

“హమ్ లోగ్ బెహ్కావే మే ఆ గయే, గల్తీ హమారీ హై ఔర్ ఉస్కా ఎహసాస్ అమేథీ కి సారి జాంతా కో హై; పచ్చవా సబ్కో హై పర్ ఇస్ బార్ గల్తీ సుధార్ లేంగే (మేము తప్పుదారి పట్టాము, అమేథీలోని ప్రతి ఒక్కరూ తాము చేసిన తప్పును గ్రహించి, ఈ రోజు అందరూ పశ్చాత్తాపపడుతున్నారు; మేము ఈసారి తప్పును సరిదిద్దుకుంటాము)" అని అమేథీలోని సెలూన్ అసెంబ్లీలోని బెవ్లీ గ్రామ నివాసి రాజేష్ త్రిపాఠి ది ఫెడరల్ తో అన్నారు.

ఇదే అభిప్రాయాన్నిసలోన్‌లోని పర్షదేపూర్‌లో పంక్చర్ రిపేర్ షాప్ నడుపుతున్న సుధీర్ కుమార్ కూడా చెప్పారు. అమేథిలో కిలో చక్కెరను రూ. 13 రూపాయలకే అందిస్తామని స్మృతి ప్రకటించారని, కానీ అలా జరగలేదని, ప్రజలంతా మోసపోయారని తన అభిప్రాయాన్ని వ్యక్తం చేశారు. గాంధీ కుటుంబంతో గత 40 సంవత్సరాలుగా ఈ నియోజకవర్గం ఏర్పాటు చేసుకున్న బంధాన్ని గత ఎన్నికల సందర్భంగా విచ్చిన్నం అయిందని అన్నారు.

“మేము గాంధీలకు కిలో పంచదార కోసం ద్రోహం చేసాము, కానీ ప్రతిఫలంగా మాకు ఏమి రాలేదు? అంతా ఖరీదైపోయింది, ప్రభుత్వం ఉచిత రేషన్ ఇస్తామని చెబుతోంది. కానీ మాది చాలా పెద్ద కుటుంబం. తొమ్మిది మంది ఉంటాము. వారు ఇచ్చే ఐదు కిలోల రేషన్ వారం కూడా సరిపోదు. దీనిపై మేము ఇరానీకి ఫిర్యాదు చేయలేము కదా. ఆమె మా ఊరికి ఎప్పుడు రాలేదు. మేము బతకడానికి ఇబ్బందిపడుతున్నప్పుడు, మా దగ్గర ఉన్నవన్నీ తాకట్టు పెట్టుకున్నాం. ఇదే సమయంలో వారు మంచి ఇల్లు కట్టుకున్నారు. ఏక్ భలే ఆద్మీ కో హరా కే ఏక్ బద్దమీజ్ సంసద్ చునా హమ్నే; ఈజ్ బార్ రాహుల్ కో మననా హై ఔర్ స్మృతి కో హరానా హై (అహంకారి ఎంపీని ఎన్నుకోవడం కోసం మంచి వ్యక్తిని ఓడించాం; ఈసారి రాహుల్‌తో సరిపెట్టుకుని స్మృతిని ఓడించాలి)" అని కుమార్ అన్నారు.

గత ఎన్నికల సందర్భంగా ఇరానీ కేజీ పంచదార ను కేవలం రూ. 13కే అందజేస్తామని ప్రకటించారు. ఇప్పుడు ప్రత్యర్థులు ఇదే అంశాన్ని ఎన్నికల అంశంగా మార్చారు. మే 6 నుంచి కిషోరి లాల్ శర్మ తరఫున ఎన్నికల ప్రచారం నిర్వహిస్తున్న ప్రియాంక గాంధీ ఓటర్ల తో మాట్లాడుతున్న ప్రతిసారీ పెరిగిన ఆహార పదార్థాల విషయాలను ప్రస్తావిస్తున్నారు.

అమేథీలో ప్రచారం నిర్వహిస్తున్న ప్రియాంక రోజుకు ఆరు నుంచి 12 కార్నర్ మీటింగ్‌లలో ఎక్కడైనా ప్రసంగిస్తున్నారు. ఇరానీ నెరవేర్చని '₹13/కేజీ చక్కెర' వాగ్దానం, రోజురోజుకి పెరుగుతున్న నిత్యావసర ధరలపై మౌనం వహించడం, స్థానికులు ఇళ్లలోకి పిలవకున్నా ఇంట్లోకి వెళ్లి దేవుడి పేరుతో తనకు ఓటు వేయమని ప్రచారం చేస్తున్నారని ఆరోపించారు.

“ఆమె (ఇరానీ) అమేథీకి రావడానికి ఏకైక కారణం నా సోదరుడిని ఓడించడమే. మీ అందరితో ఆమెకు వ్యక్తిగత బంధం లేదు. ఆమె మిమ్మల్ని పట్టించుకోదు. ఆకాశాన్నంటుతున్న ఆహార పదార్థాల ధరలను మీరు ఎలా ఎదుర్కొంటున్నారని ఆమె ఎప్పుడైనా మిమ్మల్ని అడిగారా? ఆమెకు మీలో ఎవరికైనా ఉద్యోగం వచ్చిందా?“ అని ఓటర్లను ఉద్దేశించి అన్నారు.

“(COVID) మహమ్మారి సమయంలో, లాక్డౌన్ కారణంగా దేశంలో అమేథీ పౌరులు ఎక్కడైనా చిక్కుకుపోయిన ఉంటే సురక్షితంగా ఇంటికి తీసుకురావాలని మా సోదరుడు నాకు ఫోన్ చేసి చెప్పాడు. అతను మీ ఎంపీ కానప్పటికీ ఇలా చేశాడు; ఎందుకుంటే మీరంతా మా కుటుంబం, కానీ మీరు ఎన్నుకున్న వ్యక్తి మీకు మద్దతు అవసరమైనప్పుడు మీ కోసం ఏం చేశారు, ”అని అమేథీలోని గౌరీగంజ్‌లో జరిగిన ఒక సభలో ప్రియాంక ప్రశ్నించారు. ఈ కార్నర్ మీటింగ్ లో ఎక్కువమంది మహిళలే ఉన్నారు. ఇక్కడ పార్టీ అభ్యర్థి శర్మ ఏం మాట్లాడలేదు. నిశ్శబ్ధంగా నిలుచున్నారు.

అమేథీలోని జగదీష్‌పూర్ అసెంబ్లీ సెగ్మెంట్‌లో జరిగిన మరో కార్నర్ మీటింగ్‌లో, ప్రియాంక ఇరానీపై అదే ఆరోపణలను పునరుద్ఘాటించారు.ఆ తర్వాత ఆమె శర్మను "గత 40 సంవత్సరాలుగా మీ మధ్య పనిచేసిన మా కుటుంబ సభ్యుడు" అని పరిచయం చేశారు. శర్మ సాయంతో తాను అమేథీ, రాయ్‌బరేలీ నియోజకవర్గాల్లో గెలుపొందామని అన్నారు.

“కిషోరీ జీకి రెండు నియోజకవర్గాల్లోని ప్రతి ఒక్క గ్రామం, ప్రతి రోడ్డు, ప్రతి వీధి తెలుసు... అతను వినయపూర్వకమైన వ్యక్తి అని ప్రియాంక అమేథీ ఓటర్లకు విన్నవించింది. శర్మజీ ఇప్పుడున్న ఎంపీలా కాదు. అన్ని సమస్యను పరిష్కరించే సామర్థ్యం ఉందని ఓటర్లకు విన్నవించారు. తరువాత ఓటర్లతో మాట్లాడటానికి ప్రయత్నించారు.

మాట్లాడాలనుకునే వారికి మైక్రోఫోన్‌ను అందజేయమని ప్రియాంక ఒక వాలంటీర్‌ని కోరింది. స్థానికుల అభిప్రాయాలను కోరడానికి ఆమె చాలాసార్లు తన ప్రసంగ సమయాన్ని తగ్గించుకుంటారు. ఇది తమ ప్రత్యర్థిని ఎండగట్టే వ్యూహం.

అమేథీలోని జగదీష్‌పూర్ అసెంబ్లీ సెగ్మెంట్‌లోని ముసాఫిర్ఖానా నివాసి శైలేష్ ప్రసాద్ మూడేళ్ల క్రితం ఇరానీతో జరిగిన అనుభవాన్ని వివరించారు. “ఆమె తిలోయ్ (అమేథీలోని అసెంబ్లీ నియోజకవర్గం)కి ఏదో ఒక ఫంక్షన్ కోసం వచ్చింది. కొంతమంది బీజేపీ కార్యకర్తలు నన్ను వేధిస్తున్న విషయాన్ని కేంద్రమంత్రి దృష్టికి తీసుకెళ్లే ప్రయత్నం చేశాను. దీనిపై ఆమె ఆగ్రహం వ్యక్తం చేసింది. నేను వచ్చిన కార్యక్రమాన్ని భగ్నం చేయడానికి కాంగ్రెస్ ఏజంట్ గా ఇక్కడికి వచ్చావని అన్నారు. నేను 2019 లో మీకే ఓటు వేశానని చెప్పాను. కానీ ఆమె ఇంకా అరుస్తూనే ఉందని చెప్పారు.

రాహుల్ మన ఎంపీగా ఉంటే ఇలా ఎప్పుడూ జరిగేది కాదు. రాహుల్, ప్రియాంక లేదా కిషోరీ లాల్ అమేథీకి వచ్చినప్పుడు వారిని కలవడానికి ఎలాంటి అడ్డంకులు లేవు. మా మాటలను ఓపికగా వింటారు. ఇరానీని ఎన్నుకుని మేము తప్పు చేశామని చెప్పారు. దీని కారణంగా మేము ఐదు ఏళ్లుగా బాధపడుతూనే ఉన్నామని వివరించారు.

గాంధీ కుటుంబంపై ఇరానీకి ఉన్న ద్వేషం, వారిపై సహేతుక విమర్శలకు చేయలేకపోయి.. కుటుంబంపై ఆరోపణలు ఎక్కుపెట్టడం చాలామంది అమేఠి ప్రజలను కోపం తెప్పించింది. “అవును, 2019లో చాలా మంది రాహుల్‌కి వ్యతిరేకంగా ఓటు వేశారు కానీ అమేథీకి అతనిపై వ్యక్తిగత ద్వేషం ఉన్నందున కాదు. (నరేంద్ర) మోదీ తిరిగి ప్రధానమంత్రిగా రావడం ఖాయమైనందున అమేథీని మరింత అభివృద్ధి చేయడంలో భాజపా ఎంపీ ఉంటే దోహదపడుతుందని భావించి కొందరు ఇరానీకి ఓటు వేశారు, మరికొందరు ఇరానీ వాగ్దానాలు చూసి ఓటు వేశారు.

కానీ ఇక్కడ గాంధీ కుటుంబాన్ని చూసి ఎవరైన విమర్శలు చేస్తే ప్రజలు సహించరు. ఎందుకంటే వారితో ఉన్న బంధం అలాంటిది. ఇరానీ వాడే భాషను ఎవరు సహించట్లేదు ”అని కమల్‌గంజ్ నివాసి చేత్రమ్ అన్నారు. గాంధీల వల్లే అమేఠి వెనకబడిపోయి ఉందని, ఇక్కడ భూములన్నీ వారే కబ్జా చేశారని పదే పదే వారి కుటుంబంపై ఆరోపణలు చేస్తున్నారు.

“ఆమె ఏమి చెబుతుందో ఆమెకే తెలియదు. ఈరోజు అమేథీలో ఏదైతే ఉందో అది కేవలం గాంధీ కుటుంబం వల్లనే. వారు అమేథీకి కర్మాగారాలు, విద్యా సంస్థలను తీసుకువచ్చారు; మెరుగైన రైలు కనెక్టివిటీని నిర్మించారు. గత ఐదేళ్లలో తన కోసం పెద్ద ఇల్లు కట్టుకోవడం తప్ప ఇరానీ ఏం చేసింది? గాంధీలు అమేథీకి వస్తే గెస్ట్ హౌస్ లో ఉంటారు. ఎవరి భూమిని లాక్కున్నారు? దీనికి విరుద్ధంగా, స్మృతి ఇరానీ అమేథీలో తన ఇంటి కోసం భూమిని ఎలా తీసుకున్నారు. దాని నిర్మాణానికి ఎవరు చెల్లించారో అమేథీలోని ప్రతి ఒక్కరికీ తెలుసు, ”అని గౌరీగంజ్ నివాసి ఒకరు ది ఫెడరల్‌తో అన్నారు.

"ఇరానీ స్థానిక బిజెపి కార్యకర్తను తన ఇంటిని నిర్మించడానికి తన భూమిని తనకు బదిలీ చేయమని "బలవంతం" చేశారని, మరో స్థానిక బిజెపి నాయకుడు సుగంధ ద్రవ్యాలు విక్రయించి, ఆమె ఇంటికి సంబంధించిన నిర్మాణానికి డబ్బులు చెల్లించారని " అని ఆరోపించారు.

గత ఐదేళ్లలో అమేథీలో స్థాపించబడిన అనేక సంస్థలు శాశ్వతంగా మూసివేయబడ్డాయి లేదా దాదాపుగా పనికిరాకుండా పోయాయి. వీటిలో హిందుస్థాన్ పేపర్ మిల్లు, రాజీవ్ గాంధీ ఇన్‌స్టిట్యూట్ ఆఫ్ ఇన్ఫర్మేషన్ టెక్నాలజీ ఫుట్‌వేర్ డిజైన్ అండ్ డెవలప్‌మెంట్ ఇన్‌స్టిట్యూట్ ఉన్నాయి.

కాంగ్రెస్ అభ్యర్థి శర్మ మాట్లాడుతూ.. ఈ మూసివేతలకు "ఇరానీ ప్రతీకార రాజకీయాలు" కారణమని పేర్కొన్నారు.

అమేథీ, రాయ్‌బరేలీ కోసం గాంధీ కుటుంబం ఏమీ చేయలేదని ఆమె అన్నారు. నిజానికి ఆమె గత ఐదేళ్లుగా గాంధీలు కట్టిన వాటిని మూసేయడానికి ప్రయత్నించారు. ఇది ఎలాంటి రాజకీయం? ఆమె సంజయ్ గాంధీ ఆసుపత్రిని కూడా మూసివేసింది, ఎందుకంటే అక్కడ ఒక రోగి మరణించాడు.

ఒక పేషెంట్ చనిపోతే బలవంతంగా మూతపడిన ఆసుపత్రి ప్రపంచంలో ఏదైనా ఉందా? ఆసుపత్రి లైసెన్స్‌ను సస్పెండ్ చేయమని ఆమె రాష్ట్ర ప్రభుత్వాన్ని బలవంతం చేసిన ఏకైక కారణం గాంధీ కుటుంబీకుల కృషితో ఆసుపత్రిని నిర్మించడం. అమేథీ ప్రజలు ఇదంతా చూశారని, ఈ ఎన్నికల్లో ఇరానీ ఎదుర్కొంటున్నది నేను కాదు. మీరే అన్నారు. అమేథీ ప్రగతి పథంలోకి రావాలని కోరుకుంటున్నానని, మరో నియోజకవర్గం కోసం ఇరానీ త్వరలో ఢిల్లీకి తిరిగి వస్తానని శర్మ చెప్పారు.

ఎన్నికల్లో ప్రజలు ఎవరి వైపు ఉన్నారనే విషయం జూన్ 4 తరువాతే తేలుతుంది. ప్రజలు గాంధీ కుటుంబం వైపా.. ఇరానీ వైపా.. ఎవరి ప్రచారాన్ని ప్రజలు నమ్మారు అనేది నికరంగా తేలేది ఆరోజే.