భారత్ కు చేరుకుంటున్న రష్యా ముడి చమురు నౌకలు

పశ్చిమాసియా సంక్షోభం కారణంగా ప్రపంచ ఇంధన సరఫరాకు ఆటంకం ఏర్పడిన సంగతి తెలిసిందే. ఈ ప్రభావం భారత్ పై కూడా పడింది. దేశవ్యాప్తంగా ఇప్పటికే గ్యాస్ సంక్షోభం ప్రభావం కనిపిస్తోంది. క్రమంగా ముడి చమురు సరఫరాపై ఆందోళనలు పెరుగుతున్న క్రమంలో రష్యా నుంచి చైనాకు వెళ్తున్న ముడి చమురు నౌక భారత్ కు మళ్లింది.

'ఆక్వా టైటాన్' అనే ఆయిల్ ట్యాంకర్ శనివారం (మార్చి 21) సాయంత్రం న్యూ మంగళూరు పోర్టుకు చేరుకుంది. ఈ ట్యాంకర్ వాస్తవానికి చైనాకు వెళ్తుండగా, ఇటీవల దాని మార్గాన్ని భారత్ వైపు మళ్లించినట్లు బ్లూమ్‌బెర్గ్ నివేదించింది.

గతంలో ట్రంప్ సర్కార్ భారత్, రష్యా నుంచి ముడి చమురు దిగుమతులు చేసుకోవద్దని ఆదేశించింది. అయితే ప్రస్తుతం జరుగుతున్న సంక్షోభం కారణంగా వాషింగ్టన్ రష్యా నుంచి ముడి చమురు కొనుగోలుకు 30 రోజుల సడలింపులు ఇచ్చింది.