14 గంటలు పనిచేయలేమ్ బ్రో,

IT/ITES/BPO సెక్టార్‌లో పనిగంటలను రోజుకు 14 గంటలకు పెంచాలన్న కర్ణాటక ప్రభుత్వ ప్రతిపాదన వార్త వెలువడిన రెండు రోజుల తర్వాత, ఐటీ ఉద్యోగులు బెంగళూరులోని ఐటీ పార్కులు, కంపెనీల వెలుపల “గేట్ నిరసన” సమావేశాలు, వీధి ప్రచారాలను ప్రారంభించారు. కర్ణాటక రాష్ట్ర ఐటీ/ఐటీఈఎస్ ఎంప్లాయీస్ యూనియన్ (కేఐటీయూ) ఈ విషయంపై ప్రభుత్వాన్ని ఇప్పటికే హెచ్చరించింది. రాష్ట్రంలో దాదాపు పని చేస్తున్న 20 లక్షల మంది ఉద్యోగులకు ఇది ఓపెన్ ఛాలెంజ్ అని పేర్కొంది.

కర్నాటక దుకాణాలు, వాణిజ్య సంస్థల (సవరణ) బిల్లు 2024'ను విధాన సభ లో ప్రవేశపెట్టడానికి సిద్ధరామయ్య సర్కార్ సిద్ధమైంది. ఈ చట్టం ఆమోదం పొందితే సాధారణ పనిగంటలు ఇక నుంచి 14 గంటలుగా మారుతుంది. ప్రస్తుతం ఉన్న చట్టంతో రాష్ట్రంలో ఓవర్ టైమ్ తో కలిపి కేవలం 10 గంటల వరకు మాత్రమే పని చేయడానికి పరిమితం. ప్రస్తుత బిల్లులో దీనిని పూర్తిగా సవరించబోతున్నారు. ఇప్పటికే స్థానిక రిజర్వేషన్ అంశంతో అప్రతిష్ట పాలు అయిన కాంగ్రెస్ సర్కార్, ఇప్పుడు ఈ బిల్లుతో మరోసారి విమర్శలను మూటగట్టుకుంటోంది.

అయితే, సోమవారం కార్మిక శాఖ మంత్రి సంతోష్ లాడ్ విలేకరులతో మాట్లాడుతూ.. గంటల పెంపుదల ప్రతిపాదన అనేది ప్రభుత్వ నిర్ణయం కాదని ఇవన్నీ కూడా కార్పొరేట్ కంపెనీలు, అగ్రశ్రేణి ఐటీ కంపెనీల అధిపతుల నుంచి వచ్చిందని చెప్పారు. ప్రస్తుత కార్మిక చట్టాలకు ఈ సవరణ చేయాలని వారు ఒత్తిడి తెస్తున్నారని ఆయన అన్నారు.

"ఇది ప్రతిచోటా చర్చకు దారితీసింది కాబట్టి, కార్పొరేట్ అధిపతులు.. ఉద్యోగులు అంతర్గతంగా దీనిపై చర్చించాలి. ప్రభుత్వం ప్రజల ప్రయోజనాలకు అనుగుణంగా నడుస్తుంది" అని లాడ్ పేర్కొన్నారు. ఎక్కువ గంటలు, నిద్రలేమి, పని-జీవిత సమతుల్యత లేదని ఇప్పటికే టెకీలు ఫిర్యాదు చేశారు.

ఇదే అంశంపై బెంగళూర్ లో ఓ ప్రముఖ అమెరిక టెక్ కంపెనీలో పని చేస్తున్న 25 ఏళ్ల టెకీ మాట్లాడుతూ.. పని గంటల పెంపుకు సంబంధించి ఐటీ అధికారులు ఇంతకుముందు నుంచే సిద్ధంగా ఉన్నారని, ఈ నిర్ణయానికి తాను పెద్దగా ఆశ్చర్యపడటం లేదని అన్నారు.

"వారు ఇప్పటికే మాతో ఎక్కువ పని చేయిస్తున్నారు" అని ఒక యువ IT ప్రొఫెషనల్ చెప్పారు. "నేను ప్రతిరోజూ తొమ్మిది గంటలు పని చేస్తున్నాను. మా క్లయింట్లు విదేశాలలో ఉన్నందున, మేము ఇప్పటికే అదనపు గంటలు పని చేస్తున్నాము. ఏదైనా అర్జంట్ అయితే రాత్రిళ్లు, పొద్దున్నేకూడా పని చేయాలి.

ఆర్థిక రంగానికి సంబంధించిన కొన్ని ప్రాజెక్ట్‌లకు 24/7 మద్దతు అవసరం. నా కంపెనీకి షిఫ్ట్ సౌకర్యం లేదు కాబట్టి, వారాంతాల్లో కూడా మా ఫోన్‌ను ఆఫ్ చేయడానికి మాకు అనుమతి లేదు,” అని టెకీ ఎత్తి చూపారు.

"నా జీవితం చాలా ఒత్తిడితో కూడుకున్నది, ఇప్పుడు వారు 14 గంటల పనిని క్రమబద్ధీకరించాలనుకుంటున్నారు" అని ఆమె ఫిర్యాదు చేసింది. “ప్రతి ఒక్కరూ ఈ విషయంపై ఆందోళన చెందుతున్నారు. పని గంటల పెరుగుదల గురించి ఎక్కడా చూసిన గుంపులుగా గుంపులుగా మాట్లాడుతున్నారు.

వారంతా ఇప్పుడు లేచి నిరసన తెలుపుతారని నేను ఖచ్చితంగా అనుకుంటున్నాను, ” అని ఒక యువ టెక్ తన అభిప్రాయాన్ని పంచుకున్నాడు. తాను ఈ రంగంలో 2021 లో చేరినట్లు ఆ అమ్మాయి వివరించింది. ఆర్ఠిఫిషియల్ ఇంటలిజెన్స్ తో సహ కొత్త సాంకేతికతలు చేయడానికి ఇష్టపడే ఈ అమ్మాయి.. పనిగంటల అసహనం వ్యక్తం చేసింది.

ఉద్యోగులకు మానసిక ఆరోగ్యం గతి తప్పే అవకావం ఉందని ఈ సందర్భంగా టెకీ వివరించింది. ఎక్కువ పనిగంటలు, ఈ మెయిల్స్ చెక్ చేసుకోవడం, ఈ పనులతోనే రోజంతా గడిచిపోతే ఇప్పటికే ఉన్న ఆరోగ్య సమస్యలు మరింత తీవ్రం అవుతాయని ఆందోళన వ్యక్తం చేసింది. ఐటీ ఉద్యోగుల్లో దాదాపు 45 శాతం మంది మానసిక ఆరోగ్య సమస్యలతో బాధపడుతున్నారని పరిశోధనలో తేలింది.

"14 గంటల తర్వాత బెంగుళూరు ట్రాఫిక్‌ను ఎదుర్కోవడం మా ఆరోగ్య సమస్యలను మాత్రమే పెంచుతుంది. నేను ఇప్పటికే చాలా గంటలు కంప్యూటర్ స్క్రీన్‌ల ముందు కూర్చొని మైగ్రేన్, నిద్రలేమితో బాధపడుతున్నాను" అని ఆమె వెల్లడించింది.

ఇంకా, ప్రమోషన్లు, కెరీర్ వృద్ధి కోసం తన నైపుణ్యాన్ని పెంచుకోవాలని ఆమెకు కంపెనీ సూచించింది. "అయితే 14 గంటలు పనిచేసిన తర్వాత, నైపుణ్యం పెంచుకోవడానికి నాకు సమయం ఎక్కడ ఉంటుంది?" ఆమె ప్రశ్నిస్తోంది. ఈ కొత్త ప్రతిపాదనను చాలా "భయంకరమైనది". ఇది "ఆధునిక బానిసత్వం" గా వర్ణించింది. IT లేబర్ యూనియన్‌ వారు నిర్వహించబోయే ఏదైనా పెద్ద నిరసనలో చేరడానికి ఆసక్తిగా ఉన్నట్లు ఆమె అంగీకరించింది.

బెంగళూరులోని ఎలక్ట్రానిక్ సిటీలో ఒక అమెరికన్ ఐటీ సాఫ్ట్‌వేర్ సంస్థలో పనిచేస్తున్న సీనియర్ సిస్టమ్ ఇంజనీర్ (29 ఏళ్లు) మాట్లాడుతూ.. పరిశ్రమలో శ్రమ దోపిడి ఎక్కువైందని అభిప్రాయపడ్డారు. ఒకప్పుడు సన్‌షైన్ సెక్టార్‌గా పేరొందిన ఐటి పరిశ్రమలో గత తొమ్మిదేళ్లుగా పనిచేస్తున్న అతను, ఐటి యజమానులు తమ ఉద్యోగుల నుంచి గరిష్ట శ్రమను దోచుకుంటున్నారని అన్నారు.

"మేము అమెరికాలోని మా క్లయింట్‌లకు అమ్మకాల తర్వాత సేవలను అందిస్తాము కాబట్టి, మేము వారాంతాల్లో కూడా మా యజమానులకు అందుబాటులో ఉండాలి. మాకు వారాంతాల్లో సెలవు లభిస్తుందనేది అపోహ మాత్రమే. మాకు ఇంటి నుంచి కూడా పని చేయడానికి అరెంజ్ మెంట్ ఉన్నాయి. ఉండాలి కూడా.

కంపెనీలు ఈ ప్రయోజనాలను ఉపయోగించుకుంటాయి. ఇక నుంచి దీనిని అధికారికంగా క్రమబద్ధీకరించాలని అనుకుంటున్నారు. ఇప్పుడు కేవలం రెండు షిప్టులే ఉంటాయి. చాలా మంది ఐటీ ఉద్యోగులను తొలగించవచ్చు. ఇక నుంచి ఉద్యోగాన్ని నిలుపుకోవడానికి, ఒత్తిడిని తట్టుకోవడానికి సహ ఉద్యోగులతో పోటీ పడాల్సి ఉంటుంది.

సైకాలజిస్టుల చేత యోగా తరగతులు, చర్చలు నిర్వహించేందుకు కంపెనీలు చేస్తున్న ప్రయత్నాలను జోక్‌గా పేర్కొంటూ, ఐటీ ఉన్నతాధికారులు వాటి వల్ల కలిగే ప్రాథమిక సమస్యలను ముందుగా పరిష్కరించాల్సిన అవసరం ఉందని అన్నారు. ఐటీ పరిశ్రమ కేవలం తమ లాభాలను పెంచుకునేందుకే ఇలాంటి దుర్మర్గాలను పాల్పడుతున్నాయని, ఇందుకోసం నిర్వహించే నిరసనల్లో తాను పాల్గొంటానని కేరళకు చెందిన ఓ టెక్కీ చెప్పారు.

ఇప్పటికే టెక్కీలు బాగా అలసిపోయారు. "ఈ కంపెనీలు ఇదే బృందాన్ని యుఎస్‌లో నియమించుకోవలసి వస్తే, వారు గంట ప్రాతిపదికన యుఎస్ డాలర్లు చెల్లించవలసి ఉంటుంది. అందుకే వారు ఇక్కడికి వస్తున్నారు. కానీ, ఈ ప్రక్రియలో, వారు తమ ఉద్యోగుల ఆరోగ్యం గురించి పట్టించుకోరు. మీరు చనిపోతే వారు మీ స్థానంలో మరొకరిని తీసుకుంటారు." "ఉద్యోగులతో మాట్లాడే యంత్రాంగం లేకుంటే ఈ చర్య నిష్ఫలంగా ఉంటుంది" అని ఆయన హెచ్చరించారు, ఈ "తదుపరి స్థాయి దోపిడీ" వల్ల IT కంపెనీలు తీవ్రంగా ప్రభావితమవుతాయని ఆయన హెచ్చరించారు.

ఇంతలో, KITU ప్రధాన కార్యదర్శి సుహాస్ అడిగా, కర్ణాటక ప్రభుత్వం కార్మికులను "జీవించడానికి వ్యక్తిగత, సామాజిక జీవితం అవసరమైన మానవులు"గా పరిగణించడం లేదని విమర్శించారు. బదులుగా, ప్రభుత్వం వాటిని కార్పోరేట్‌ల లాభాలను పెంచే యంత్రంగా మాత్రమే పరిగణిస్తుంది, అన్నారాయన. అంతేకాకుండా, ఈ సవరణ వల్ల కంపెనీలు ప్రస్తుతం ఉన్న మూడు షిఫ్టుల వ్యవస్థకు బదులుగా రెండు-షిఫ్టుల విధానంలోకి వెళ్లేందుకు వీలు కల్పిస్తుందని, శ్రామికశక్తిలో మూడింట ఒక వంతు మంది తమ ఉపాధి నుంచి దూరం చేయబడతారని ఆయన అభిప్రాయపడ్డారు