అందుకే ఆ కేసులను సీఐడీకి అప్పగించాం: ఏపీ డీజీపీ

ఆంధ్రప్రదేశ్‌లో రెండు ప్రధానమైన కేసులు ఉన్నాయి. ఈ కేసులను విచారించేందుకు సీఐడీనే కరెక్ట్‌ అనుకుని ప్రత్యేక దర్యాప్తుకు ఆదేశించాం. అందులో ఒకటి టీడీపీ కేంద్ర కార్యాలయంపై దాడి కేసు. రెండోది సినీ నటి కాదంబరీ జెత్వానీ కేసు. ఈ రెండు కేసులు లోతుగా దర్యాప్తు జరగాల్సిన అవసరం ఉంది. ఈ కేసుల్లో చాలా ముఖ్యమైన వ్యక్తులు నిందితులుగా ఉన్నారు. అందుకే ఈ ప్రత్యేక దర్యాప్తునకు ఐపీఎస్‌ అధికారిని ప్రత్యేకంగా నియమించామని ఆంధ్రప్రదేశ్‌ డీజీపీ ద్వారకా తిరుమలరావు చెప్పారు. ఇప్పటికే జెత్వానీ కేసులో ముగ్గురు ఐపీఎస్‌ అధికారులు సస్పెండయ్యారు. టీడీపీ కార్యాలయంపై దాడి కేసులో ఇద్దరు వైఎస్‌ఆర్‌సీపీ ఎమ్మెల్సీలు, ఒక మాజీ ఎంపీ, మాజీ ప్రభుత్వ సలహాదారు, విజయవాడ తూర్పు అసెంబ్లీ నియోజక వర్గ వైఎస్‌ఆర్‌సీపీ ఇన్‌ఛార్జి వంటి ప్రముఖ నేతలు నిందితులుగా ఉన్నారు. అందుకే ఈ కేసులను సీఐడీకీ అప్పగించాల్సి వచ్చిందని డీజీపీ వివరించారు.