అమరావతి ఔటర్ రింగ్ రోడ్డు, మా ఊరి మీదుగానే..

అమరావతి రాజధాని నగరాన్ని ప్రపంచ స్థాయి మౌలిక సదుపాయాలతో అభివృద్ధి చేసే దిశగా రాష్ట్ర ప్రభుత్వం ప్రతిష్టాత్మకంగా చేపట్టిన అమరావతి ఔటర్ రింగ్ రోడ్ (ORR) ప్రాజెక్టు కీలక దశకు చేరుకుంది. సుమారు 189.90 కిలోమీటర్ల పొడవున నగరం చుట్టూ పూర్తిస్థాయి సర్కులర్ రహదారిగా (Circular Road) రూపుదిద్దుకోనున్న ఈ ప్రాజెక్టుకు సంబంధించి కేంద్ర ప్రభుత్వం గెజిట్ నోటిఫికేషన్లు విడుదల చేయడంతో భూసేకరణ ప్రక్రియ వేగవంతమైంది.

ప్రాజెక్టు పరిధి- నిర్మాణ వివరాలు

అమరావతి ORR కేవలం రింగ్ రోడ్డు మాత్రమే కాకుండా, రెండు కీలక లింక్ రోడ్లను కూడా కలిగి ఉంది.

ప్రధాన ORR పొడవు-189.90 కిలోమీటర్లు

ఏయే జిల్లాల గుండా వెళుతుంది- ఎన్టీఆర్, గుంటూరు, పల్నాడు, కృష్ణా, ఏలూరు

లింక్ రోడ్డు–1 (నందివెలుగు – కాజ)

పొడవు – 17.5 కిలోమీటర్లు

6 వరుసల రహదారి

చెన్నై–కోల్‌కతా జాతీయ రహదారితో అనుసంధానం

లింక్ రోడ్డు–2 (నారాకోడూరు – బుడంపాడు)

పొడవు – 5.5 కిలోమీటర్లు

4 వరుసల రహదారి

మొత్తం పొడవు: 212.60 కిలోమీటర్లు

ఈ ప్రాజెక్టు కోసం ప్రభుత్వం 140 మీటర్ల వెడల్పుతో భూమిని సేకరిస్తోంది. ఇందులో 6 వరుసల ప్రధాన రహదారి, ఇరువైపులా సర్వీస్ రోడ్లు నిర్మించనున్నారు.

గుంటూరు, పల్నాడు, కృష్ణా, ఏలూరు జిల్లాలకు ఇప్పటికే గెజిట్ నోటిఫికేషన్లు విడుదలయ్యాయి

ఎన్టీఆర్ జిల్లా గెజిట్ వచ్చే వారం కేంద్రానికి చేరనుంది.

పల్నాడు, ఏలూరు జిల్లాల్లో రైతుల నుంచి అభ్యంతరాల స్వీకరణ ప్రారంభమైంది

మొత్తం 23 మండలాలు, 97–121 గ్రామాలు ఈ ప్రాజెక్టు పరిధిలోకి రానున్నాయి

గుంటూరు జిల్లాలో ప్రధానంగా ఈ క్రింది మండలాల మీదుగా ORR వెళుతుంది:

మంగళగిరి మండలం: కాజ, చినకాకాని.

పెదకాకాని మండలం: నంబూరు, దేవరాయబొట్లపాలెం, అనుమర్లపూడి.

తాడికొండ మండలం: పాములపాడు, రావెల.

మేడికొండూరు మండలం: సిరిపురం, వరగాణి, మందపాడు, మంగళగిరిపాడు, డోకిపర్రు, విశదల, పేరేచర్ల, వెలవర్తిపాడు, మేడికొండూరు.

చెన్నై-కోల్‌కతా లింక్ రోడ్ (నందివెలుగు నుంచి కాజ): తెనాలి మండలం (నందివెలుగు, కొలకలూరు, గుడివాడ), దుగ్గిరాల మండలం (చిలువూరు, ఈమని, పెనుమూలి).

ఇతర మండలాలు: చేబ్రోలు (నారాకోడూరు, వేజెండ్ల), వట్టిచెరుకూరు (కొర్నెపాడు, చమళ్లమూడి).

ఈ జిల్లాలో రెండు ప్రధాన మండలాల్లోని గ్రామాలపై గెజిట్ విడుదలయ్యింది:

అమరావతి మండలం: ధరణికోట, లింగాపురం, డిడుగు, నెమలికల్లు.

పెదకూరపాడు మండలం: ముస్సాపురం, పాటిబండ్ల, తాళ్లూరు, లింగంగుంట్ల, జలాల్‌పురం, కంభంపాడు, కాశిపాడు.

ఈ జిల్లాలో భూసేకరణ గెజిట్ వచ్చే వారం వెలువడనుంది. ప్రధానంగా కింది మండలాల్లోని 18 గ్రామాలు ప్రభావితం కానున్నాయి:

వీరులపాడు మండలం: పొన్నవరం, జగన్నాథపురం, తిమ్మాపురం, గూడెం మాధవరం, జుజ్జూరు, చెన్నారావుపాలెం, అల్లూరు, నరసింహారావుపాలెం.

కంచికచర్ల మండలం: కంచికచర్ల, మున్నలూరు, మొగులూరు, పేరేకలపాడు, గొట్టుముక్కల, కునికినపాడు.

జి.కొండూరు మండలం: జి.కొండూరు, దుగ్గిరాలపాడు, పేట్రంపాడు, కుంటముక్కల, గంగినేనిపాలెం, కొడూరు, నందిగామ.

మైలవరం మండలం: మైలవరం, పొందుగుల, గణపవరం.

కృష్ణా జిల్లాలో భూసేకరణ కోసం గెజిట్ ఇప్పటికే విడుదలయ్యింది:

ఉంగుటూరు మండలం: పొట్టిపాడు, ఆట్కూరు, పెద్ద ఆవుటపల్లి, తేలప్రోలు, వెల్దిపాడు, మాణికొండ.

కంకిపాడు మండలం: మారేడుమాక, కోనతనపాడు, దవులూరు, కొలవెన్ను, ప్రొద్దుటూరు, చలివేంద్రపాలెం.

గన్నవరం మండలం: సగ్గురు అంజన్, బల్లిపర్రు వంటి గ్రామాలు.

తోట్లవల్లూరు మండలం: రొయ్యూరు, ఉత్తర వల్లూరు, దక్షిణ వల్లూరు, బొద్దెపాడు.

ఏలూరు జిల్లాలో అగిరిపల్లి మరియు సమీప గ్రామాల గుండా ఈ రహదారి వెళ్లనుంది. ఇక్కడ కూడా అభ్యంతరాల స్వీకరణ జరుగుతోంది.

భూసేకరణకు ముందు క్షేత్రస్థాయిలో శాస్త్రీయ పద్ధతులతో సర్వే నిర్వహిస్తున్నారు. GPS ఆధారిత పెగ్ మార్కింగ్ ద్వారా రహదారి మధ్య నుంచి ఇరువైపులా 70 మీటర్ల మేర గుర్తులు వేస్తున్నారు. ల్యాండ్ ప్లాన్ షెడ్యూల్ (LPS) ద్వారా రైతు పేరు, విస్తీర్ణం, భూమి రకం (మెట్ట/మాగాణి), నిర్మాణాల వివరాలను సేకరిస్తున్నారు. సర్వే పూర్తయ్యాక కేంద్ర మంత్రివర్గ ఆమోదంతో 3D నోటిఫికేషన్ విడుదల చేస్తారు. ఆ తర్వాతే పరిహారం చెల్లింపు ప్రారంభమవుతుంది.

ప్రారంభం/ముగింపు: కాజ (NH-16)

పెదకాకాని, నంబూరు

అమరావతి రాజధాని ఉత్తర–పశ్చిమ సరిహద్దులు

కృష్ణా నదిపై రెండు ప్రధాన వంతెనలు

పెనుముడి–పులిగడ్డ వైపు

ఇబ్రహీంపట్నం వైపు

మైలవరం, నూజివీడు

హనుమాన్ జంక్షన్, పొట్టిపాడు

ఈ రింగ్ రోడ్ ద్వారా NH-16 (చెన్నై–కోల్‌కతా), NH-65 (విజయవాడ–హైదరాబాద్) జాతీయ రహదారులకు నేరుగా అనుసంధానం ఏర్పడనుంది.

విజయవాడ, గుంటూరు నగరాల్లో ట్రాఫిక్ రద్దీ తగ్గింపు

భారీ వాహనాలకు నగరాల్లోకి ప్రవేశం లేకుండా డైవర్షన్

ఐదు జిల్లాల్లో పారిశ్రామిక, రియల్ ఎస్టేట్ అభివృద్ధికి ఊతం

అమరావతి రాజధానికి వేగవంతమైన ప్రాంతీయ కనెక్టివిటీ

డీపీఆర్ కేంద్ర మంత్రివర్గం ముందుకు వెళ్లేలోపే భూసేకరణను ఒక కొలిక్కి తీసుకురావాలని రాష్ట్ర ప్రభుత్వం భావిస్తోంది. రైతుల అభ్యంతరాలను పరిగణలోకి తీసుకుంటూనే, పారదర్శక విధానంలో ప్రక్రియ పూర్తి చేయాలని అధికారులు స్పష్టం చేస్తున్నారు. అమరావతి ORR పూర్తయితే రాజధాని నగరానికి అభివృద్ధి పరంగా పూర్తిగా కొత్త రూపు రానుందన్న అభిప్రాయం వ్యక్తమవుతోంది.