ఇచ్చిన మాటను చంద్రబాబు ఎన్నడూ నిలబెట్టుకోలేదు

ప్రజలకు సంక్షేమ పథకాలను అందించాల్సిన సీఎం చంద్రబాబు ప్రజల నుంచే డబ్బులు గుంజుకుంటున్నారని ధ్వజమెత్తారు. దీపం పథకానికి రూ. 4500 కోట్లు అవసరమైతే.. కేవలం రూ. 800 కోట్లతోనే సరిపెట్టారని విమర్శించారు. అన్నా క్యాంటీన్లకు ఒక సారి వెళ్తే రెండో సారి వెళ్లే పరిస్థితి లేకుండా నిర్వహిస్తున్నారని మండిపడ్డారు. ఇచ్చిన హామీలను చంద్రబాబు ఏనాడు నిలబెట్టుకోలేదని, నిరుద్యోగ భృతి పేరుతో యువతను మోసం చేశారని విమర్శించారు. వలంటీర్లను ఉద్యోగాల నుంచి తొలగించిన కూటమి ప్రభుత్వం అసూయ, కక్షలతో పాలన సాగిస్తోందని ధ్వజమెత్తారు. వ్యవసాయం దండగ అని తన పుస్తకంలో రాసుకున్న వ్యక్తి సీఎం చంద్రబాబు అని ధ్వజమెత్తారు. పెట్టుబడి సాయం కింద రైతులకు రూ. 20వేలు ఇస్తామని చెప్పి దగా చేశారని విమర్శించారు. తాము రైతులకు అండగా నిలుస్తామని, శుక్రవారం రాష్ట్ర వ్యాప్తంగా ఆందోళనలు నిర్వహిస్తున్నట్లు తెలిపారు.