శంకరగిరి మాన్యాలు పట్టిన శంకరయ్య సీఎం చంద్రబాబుకు నోటీసులు

ఈయన పేరు జె.శంకరయ్య. సర్కిల్ ఇనస్పెక్టర్. ప్రస్తుతం పోస్టింగు కోసం నిరీక్షిస్తున్నాడు. మాజీ మంత్రి వైఎస్‌ వివేకానందరెడ్డి హత్య జరిగినప్పుడు పులివెందుల సీఐగా ఉన్నాడు. వివేకా హత్య కేసులో తన వ్యక్తిగత ప్రతిష్ఠకు భంగం కలిగించేలా ముఖ్యమంత్రి చంద్రబాబు దురుద్దేశపూరితంగా తప్పుడు ప్రకటనలు చేశారని ఆరోపించారు. అసెంబ్లీలో కూడా చంద్రబాబు తన పేరు ప్రస్తావించి తన పరువు తీశారని వాపోతున్నారు. తానిక సహించలేనని చెబుతూ న్యాయవాది జి.ధరణేశ్వరరెడ్డి ద్వారా ఈ నెల 18న నోటీసులు పంపారు. అవి ఇప్పుడు వెలుగులోకి వచ్చాయి. అసెంబ్లీలో తనకు బహిరంగ క్షమాపణలు చెప్పాలని, తన ప్రతిష్ఠకు నష్టం కలిగించినందుకు రూ.1.45 కోట్ల పరిహారం చెల్లించాలని శంకరయ్య ఆ నోటీసుల్లో డిమాండ్ చేశారు.