తిరుచానూరు పద్మసరోవరంలో చక్రస్నానం (ఫైల్ ఫొటో)
TTD - CM Chandrababu | బ్రహ్మోత్సవాల నిర్వహణ భేష్ : సీఎం చంద్రబాబు
టీటీడీ అధికారులకు ప్రభుత్వం నుంచి ప్రశంసలు అందాయి. బ్రహ్మోత్సవాల విజయవంతం చేయడంపై సీఎం అభినందించారు.
తిరుచానూరులో కార్తీక బ్రహ్మోత్సవాలను విజయవంతం చేయడంలో అధికారులు సమన్వయంతో పనిచేశారు. యాత్రికుల నుంచి విమర్శలు, ఆరోపణలకు ఆస్కారం లేకుండా విజయవంతం చేయడంపై సీఎం ఎన్.చంద్రబాబు సోమవారం టీటీడీ అధికారులు, సిబ్బందిని అభినందించారు.
“తిరుచానూరులో శ్రీపద్మావతి అమ్మవారి కార్తీక బ్రహ్మోత్సవాల దివ్యవైభవాన్ని వీక్షించడం నిజంగా ఆనందంగా ఉంది. అని సీఎం చంద్రబాబు ఎక్స్ వేదికగా అభినందనలను పోస్ట్ చేశారు. ఈ పవిత్రమైన పండుగ తమ హృదయాలను నింపడానికి అమ్మవారి అనంతమైన అనుగ్రహానికి ప్రగాఢ చిహ్నంగా పనిచేస్తుందన్నారు. ఆధ్యాత్మిక ఉత్సాహంతో, మన సంప్రదాయాలు ఉట్టిపడేలా జరిపారన్నారు.
టీటీడీ ప్రణాళికాబద్ధంగా ముందుచూపుతో ఏర్పాట్లు చేసుకుని క్షేత్ర స్థాయిలో అమలు చేయడం వల్ల భక్తులందరికీ అమ్మవారి ఆశీస్సులు అందేలా చేశారు" అని సీఎం చంద్రబాబు అభినందించారు
ఈ ఏడాది తిరుచానూరులో వార్షిక బ్రహ్మోత్సవాలు నవంబర్ 28న ప్రారంభమై డిసెంబర్ 6న ముగిశాయి. పంచమీ తీర్థం సందర్భంగా పవిత్ర పద్మపుష్కరిణిలో వేలాది మంది భక్తులు పంచమితీర్థ స్నానం ఆచరించేందుకు టీటీడీ ఏర్పాట్లు చేసింది.
టీటీడీ ఛైర్మన్ బిఆర్. నాయుడు, ఈఓ శ్యామలరావు ఆదేశాల మేరకు టీటీడీ యంత్రాంగం, జిల్లా పోలీసులు, తిరుచానూరు పంచాయతీ అధికారులు సమన్వయంతో పనిచేశారు. భక్తులకు అన్నప్రసాదం, తాగునీరు, పారిశుధ్యం, క్యూల నిర్వహణ, ట్రాఫిక్ క్రమబద్ధీకరణ వంటి ఏర్పాట్లు చక్కగా చేశారు. ఇవన్నీ చూశాక, చక్కటి సమన్వమంతో పనిచేయడం వల్లే సాధ్యమైందనే విషయం అర్థమైంది" అని సోషల్ మీడియా వేదికపై సీఎం స్పందించారు. టీటీడీ చేసిన ఏర్పాట్లపై భక్తులు హర్షం వ్యక్తం చేయడంపై సిఎం చంద్రబాబు సంతోషాన్ని వ్యక్తం చేశారు.
Next Story
