Sagging platform | ఎమ్మెల్యేలకు తప్పిన ప్రమాదం..

పదవి దక్కిందని ఆనందంతో నిర్వహిస్తున్న సభలో అపశృతిచోటుచేసుకుంది. పరిమితికి మించి సభా వేదికపైకి నాయకులు భారీగా చేరుకున్నారు. ఈ బరువుకు తాళలేని వేదిక కుప్ప కూలింది. ఎత్తు తక్కువగా ఉండటం వల్ల భారీ నష్టం తప్పినట్లు పరిస్థితి చెప్పకనే చెబుతోంది. కాకినాడలో ఆదివారం ఈ సంఘటన జరిగింది. "కూడా" (Kakinada urban development authority) చైర్మన్ ప్రమాణస్వీకారోత్సవ సందర్భంగా ఏర్పాటు చేసిన కార్యక్రమంలో ఈ ఘటన చోటుచేసుకుంది.

కాకినాడ జిల్లా పెద్దాపురం అసెంబ్లీ నియోజకవర్గ జనసేన ఇంచార్జ్ తుమ్మల బాబు "kuda" చైర్మన్గా నియమితులయ్యారు. తన పదవీ ప్రమాణస్వీకారం అట్టహాసంగా ఏర్పాటు చేశారు. ఇందుకోసం కూడా కార్యాలయం వద్ద తక్కువ ఎత్తులో వేదిక ఏర్పాటు చేశారు. ఈ కార్యక్రమానికి పెద్దాపురం నుంచి భారీగా జనసేన, టిడిపి, బిజెపి కూటమి నాయకులు సభ్యులు తరలివచ్చారు.