కాంగ్రెస్ తొలి జాబితా వచ్చేసింది... అభ్యర్థులు వీరే..

ఆంధ్ర ఎన్నికల్లో తమ పార్టీ తరపున బరిలోకి దిగనున్న అభ్యర్థుల తొలి జాబితాను కాంగ్రెస్ పార్టీ విడుదల చేసింది. ఈ జాబితాలో ఐదుగురు ఎంపీ, 114 ఎమ్మెల్యే అభ్యర్థులను కాంగ్రెస్ వెల్లడించింది. ఈ జాబితాను కాంగ్రెస్ పార్టీ జాతీయ ప్రధాన కార్యదర్శి కేసీ వేణుగోపాల్ విడుదల చేశారు. కాంగ్రెస్ ఆంధ్ర అధ్యక్షురాలు షర్మిల.. కడప ఎంపీ బరిలో తలపడనున్నారు. అతి త్వరలోనే మిగిలి స్థానాల అభ్యర్థులను కూడా ఖరారు చేసి జాబితా విడుదల చేసే విధంగా కాంగ్రెస్ కసరత్తులు చేస్తోందని, ఇప్పటికే ఆయా సీట్లకు టికెట్ ఆశిస్తున్న అభ్యర్థుల పేర్లను ఆంధ్ర కాంగ్రెస్.. పార్టీ హైకమాండ్‌కు అందించినట్లు సంబంధిత వర్గాలు తెలిపాయి. వారిపై ఇప్పటికే కాంగ్రెస్ జాతీయ ఎన్నికల కమిషన్ చర్చలు చేస్తున్నట్లు సమాచారం.