సుప్రీం కోర్టు పరిధిలో ఉండగా లడ్డూ వివాదంపై సీఎం చంద్రబాబు, డిప్యూటీ సీఎం పవన్‌ కళ్యాణ్ మాట్లాడేందుకు సాహసించ లేదు. బట్ పట్టాభి చేత ఎందుకు మాట్లాడించినట్టు ?
తిరుమల తిరుపతి లడ్డూ వివాదంపై దేశంలోనే అత్యున్నత న్యాయం స్థానం సుప్రీం కోర్టు పరిధిలో ఉంది. సోమవారం విచారణ చేపట్టిన సుప్రీం కోర్టు గురువారానికి వాయిదా వేసింది. వేరే కేసు విచారణలో బిజీగా ఉన్న సుప్రీం కోర్టు గురువారం జరగాల్సిన విచారణను శుక్రవారానికి వాయిదా వేసింది. ఇలా విచారణ దశలో ఉన్న లడ్డూ వివాదంపై తాజాగా టీడీపీ స్పందించింది. తెలుగుదేశం పార్టీ అధికార ప్రతినిధి పట్టాభిరామ్‌ గురువారం మధ్యాహ్నం మాట్లాడారు. మంగళగిరిలోని ఆ పార్టీ కార్యాలయంలో ప్రెస్‌మీట్‌ పెట్టి మరి ఈ వివాదం గురించి మాట్లాడారు. నెయ్యి కొనుకోలుకు సంబంధించిన కాంట్రాక్టు వివరాలను పవర్‌ పాయింట్‌ ప్రజెంటేషన్‌ ద్వారా లైన్‌ బై లైన్‌ వివరించారు.
ఏఆర్‌ ఫుడ్స్‌ కంపెనీకి నెలకు వెయ్యి టన్నుల నెయ్యిని సరఫరా చేసే సామర్థ్యం లేదన్నారు. ఏఆర్‌ సంస్థ ఉత్పత్తి చేసే నెయ్యి కేవలం 16 టన్నులు మాత్రమే అన్న విషయాన్ని టీటీడీ టెక్నికల్‌ కమిటీ నిర్థారించిందన్నారు. ఇలాంటి తక్కువ ఉత్పత్తి సామర్థ్యం కలిగిన ఏఆర్‌ కంపెనీ నెలకు వెయ్యి టన్నుల నెయ్యిని ఎలా సరఫరా చేస్తుందని, దీనికి మాజీ ముఖ్యమంత్రి వైఎస్‌ జగన్‌మోహన్‌రెడ్డి సమాధానం చెప్పాలని డిమాండ్‌ చేశారు. ఏఆర్‌ సంస్థ నుంచి బయలు దేరిన నెయ్యి ట్యాంకర్లు టీటీడీకి చేరుకోవడానికి రోజుల తరబడి ఎందుకు సమయం తీసుకుంటుందని ప్రశ్నించారు. దారి మధ్యలో దానిని ఎక్కడికో దారి మళ్లించి కల్తీకి పాల్పడ్డారని ఆరోపించారు. ఏఆర్‌ సంస్థను కేవలం బిల్లుల కోసమే అడ్డం పెట్టుకొని తతంగా నడిపించారని ఆరోపించారు. టీటీడీ లడ్డూ ప్రసాదాలకు వాడే నెయ్యిలో వైఎస్‌ఆర్‌సీపీ నేతలు దోపిడీ చేసేందుకే ఏఆర్‌ సంస్థను అడ్డం పెట్టుకున్నారని, దీనికి ఈ ఆధారాలే నిరూపిస్తున్నాయని ఆరోపించారు. రూ. 39 కోట్ల నెయ్యి కాంట్రాక్టులో వైఎస్‌ఆర్‌సీపీ నేతలు పాపాలు చేశారని, దీనికి టీటీడీ మాజీ చైర్మన్లు వైవీ సుబ్బారెడ్డి సమాధానం చెప్పాలన్నారు.
