తల్లిని, చెల్లిని రోడ్డుకు లాగింది జగన్‌ కాదా?: సీఎం చంద్రబాబు

గురువారం ఆయన అమరావతి సచివాలయంలో మాట్లాడుతూ జగన్‌ తీరుపైన, వైఎస్‌ఆర్‌ ప్రభుత్వంపైన విమర్శలు గుప్పించారు. విలువల్లేని రాజకీయాలు చేసి అందులో హీరోయిజం సంపాదించాలనుకోవడం చాలా దౌర్భాగ్యమని అన్నారు. ఏది చెప్పిన నమ్ముతారని అనుకుటుంన్నారని, చెత్త టీవీ, చెత్త పేపర్‌లో రాసేస్తే ప్రజలు నమ్ముతారని అనుకుంటున్నారని జగన్‌ మీద మండిపడ్డారు. ఎన్ని చేసినా ప్రజలను నమ్మించలేరని జగన్ పై విమర్శలు గుప్పించారు.

రాజధాని నిర్మాణం, అమరాతికి కొత్త రైల్వే లైన్‌ తదితర అంశాలపై సీఎం మాట్లాడారు. రూ. 45,300 కోట్లతో నాలు గ్రీన్‌ఫీల్డ్‌ రహదారుల నిర్మాణం జరుగనుందని సీఎం చెప్పారు. ఆరు ప్రాజెక్టులు బిడ్డింగ్‌ దశలో ఉన్నాయని అన్నారు. 15 ప్రాజెక్టులు నిలిచిపోయాయని, 75 ప్రాజెక్టులు భూ సేకరణ సమస్యలు ఉన్నాయని, 23 ప్రాజెక్టులకు అటవీ అనుమతుల సమస్యలు ఉన్నాయని చెప్పారు. ఎప్పటి నుంచో పెండింగ్‌లో ఉన్న విశాఖ రైల్వే జోన్‌ సమస్య పరిష్కారం అయ్యిందని, వచ్చే నెలలో ప్రాధాని మోదీ వచ్చి రైల్వే లైన్‌ ప్రాజెక్టుకు శంకుస్థాపన చేయాలని కోరుతున్నట్లు చెప్పారు. అమరావతి రైల్వే ప్రాజెక్టును నాలుగేళ్లు కాకుండా మూడేళ్లల్లోనే పూర్తి చేయాలని రైల్వే మంత్రిని కోరుతున్నట్లు చెప్పారు.