అమెరికా: రోడ్డు ప్రమాదంలో ఐదుగురు తెలుగు విద్యార్థుల మృతి

అమెరికాలోని రాండాల్ప్ ప్రాంతంలో ఈ ప్రమాదం జరిగింది. చనిపోయిన వారిలో ఒక మహిళ కూడా ఉన్నారు. ఆంధ్రప్రదేశ్ లోని ఉమ్మడి చిత్తూరు జిల్లాకు చెందిన విద్యార్థులుగా భావిస్తున్నారు. స్టేట్ హైవే లోని సౌత్ బాన్ హామ్ కు 6 మైళ్ళ దూరంలోని రాండాల్ఫ్ వద్ద ఈ ప్రమాదం జరిగినట్టు తెలుస్తోంది. మృతుల వివరాలు ఇంకా తెలియదు. ప్రమాదం తెలిసిన వెంటనే పోలీసులు సంఘటన జరిగిన ప్రాంతానికి వెళ్లారు. వివరాలు సేకరిస్తున్నారు. మృతదేహాలను ఆసుపత్రికి తరలించినట్టు టెక్సాస్ పబ్లిక్ సేఫ్టీ అధికారులు తెలిపారు. సమాచారాన్ని ఏపీ ప్రభుత్వానికి తెలియజేశారు.