నేనున్నా.. మీకు అండగా ఉంటా...

చంద్రగిరి నియోజకవర్గం నుంచి చంద్రబాబు 1978 మొదటిసారి ఎమ్మెల్యేగా పోటీ చేసి, విజయం సాధించారు. కొందరు నాయకులు, మదనపల్లె పట్టణంలో ఆయన సామాజిక వర్గ నేతలు కూడా ఆర్థికంగా సహాయం అందించారనేది సన్నిహితులు చెప్పుకుంటూ ఉంటారు. మదనపల్లి నుంచి నారాయణప్ప నాయుడు ఈయనకు అత్యంత సన్నిహితంగా మెలిగారు. ఎస్వీ యూనివర్సిటీలో చదువుకునే రోజుల నుంచి వారిద్దరికీ మంచి సాన్నిహిత్యం ఉండేది. ఆయనతోపాటు చిత్తూరు షుగర్ ఫ్యాక్టరీ మాజీ చైర్మన్ గంధమనేని రమేష్ చంద్రప్రసాద్, అండగా నిలిచారు (ఇటీవల ఆయన మరణించారు). స్నేహితుల పరిస్థితి అలా ఉంటే, అన్న చంద్రబాబు చంద్రగిరి నుంచి ఎమ్మెల్యేగా గెలిచిన తర్వాత ఆయన తమ్ముడు రామ్మూర్తి నాయుడు చంద్రగిరి మండలంలో యాక్టివ్ గా ఉండేవారు. సమస్యలు అన్న దృష్టికి తీసుకుపోవడం. లేదంటే అధికారులతో మాట్లాడి పరిష్కరించడానికి చొరవ తీసుకునే వారిని ఆయన సన్నిహితులు చెబుతారు.

సీఎం చంద్రబాబు తమ్ముడు రామ్మూర్తి కొడుకులు రోహిత్, గిరీష్ ను దగ్గరికి తీసుకున్న వారిని సముదాయిస్తూనే గతాన్ని గుర్తు చేసుకున్నట్లే వాతావరణం కనిపించింది. రామ్మూర్తి పార్థివదేహం వెంట కొడుకు నారా లోకేష్, భార్య భువనేశ్వరి, నందమూరి కుటుంబం నుంచి రామకృష్ణను వెంట ఉంచి రేణిగుంట విమానాశ్రయానికి చేర్చారు. అక్కడి నుంచి నారావారిపల్లెకు రామ్మూర్తి భౌతికకాయాన్ని తీసుకువచ్చి, తమకు జన్మకు ఇచ్చిన ఇంటి వద్ద ఉంచారు.

కుటుంబ సభ్యులు ముందుగానే నారావారిపల్లెకు చేరుకున్నారు. ఒంటరిగా సీఎం చంద్రబాబు ఆదివారం 10 గంటలకు నారావారిపల్లి లోని తన నివాసం వద్దకు చేరుకున్నారు. కుటుంబసభ్యులతో కలిసి నిర్జీవంగా ఉన్న తమ్ముడు రామ్మూర్తి భౌతికకాయం వద్ద శ్రద్ధాంజలి ఘటించారు. ఆ సమయంలో కూడా..