డిజిటల్‌ ప్రైవసీ యాక్ట్‌ రాబోతోందా?

డిజిటల్‌ మీడియా అంటే పవన్‌ కళ్యాణ్‌ కేవలం వైఎస్సార్‌సీపీ అనుకూల మీడియాగానే భావిస్తున్నట్లున్నారు. అందుకే తప్పులు చేసినా మా వాళ్లను ఏమీ అనకూడదు అని వైఎస్సార్‌సీపీ వారు పోరాటాలు చేస్తామన్నారంటే ఊరుకోబోమని, గతంలో రౌడీ రాజ్యం మీద ధర్మపోరాటమని, ఇప్పుడు మీది ఖర్మ పోరాటమేనని డిప్యూటీ సీఎం పవన్‌ కళ్యాణ్‌ పేర్కొన్నారు. అసలు వైఎస్సార్‌సీపీ వారిని ఈ వ్యవహారంలోకి ఎందుకు తీసుకొచ్చారు. వారికి సోషల్‌ మీడియాతో ఉన్న సంబంధాలు ఏమిటి? మీ పార్టీకి మాత్రం సోషల్‌ మీడియా లేదా? వారి ఆరోపణలకు మీరు కౌంటర్‌లు ఇవ్వడం లేదా? ఏమిటిదనే చర్చకూడా పలువురిలో ప్రారంభమైంది. ఆడబిడ్డలపై ఆఘాయిత్యాలు చేస్తున్న వారంతా కేవలం వైఎస్సార్‌సీపీ వారేననే ఆలోచన డిప్యూటీ సీఎం పవన్‌ కళ్యాణ్‌లో ఉంది. ఈ అభిప్రాయాన్ని ఆయన మార్చుకోవాల్సిందేనని పలువురు రాజకీయ నాయకులు వ్యాఖ్యానిస్తున్నారు. ఎందుకంటే ఆడబిడ్డలపై కూటమి ప్రభుత్వంలో కూడా ఎన్నో అఘాయిత్యాలు, హత్యలు జరిగాయి. అందులో అన్ని పార్టీలకు చెందిన వారు వున్నారు. బాధ్యులైన వారిని కొందరిని అరెస్ట్‌ చేసినా మరి కొందరు తప్పించుకొని తిరుగుతున్నారు. ఆ విషయాలు కూడా డిప్యూటీ సీఎం గారికి తెలియనివి కాదనే వాదన కూడా ఉంది.