గంటా సాహస యాత్ర టార్గెట్ రామ్మోహన్ నాయుడేనా?

ఉదయం విశాఖ విమానాశ్రయంలో అడుగుపెట్టిన గంటా గారికి మొదటి షాక్. గన్నవరం వెళ్లే రెండు ఉదయం విమాన సర్వీసులు రద్దు! "ఏమిటిది? ఏపీలో ప్రయాణం చేయాలంటే ఇంత గోలా?" అని గంటా గారు నీలిరంగు సూట్ కేసును లాగుతూ ఆలోచనలో పడ్డారు. సిఐఐ, ఫిక్కీ ప్రతినిధులు ఒకరినొకరు చూసుకుంటూ, "సరే, ఇప్పుడేం చేద్దాం?" అన్నట్టు మొహాలు పెట్టారు.

ఒక తెలివైన సలహా వచ్చింది. "తెలంగాణ మీదుగా వెళదాం!" అంతే హైదరాబాద్‌కు టిక్కెట్లు బుక్ చేసి, అక్కడి నుంచి గన్నవరంకు మరో విమానం ఎక్కారు. ఉదయం 8 గంటలకు బయలుదేరిన ఈ బృందం, మధ్యాహ్నం 1 గంటకు గన్నవరం చేరుకుంది. "ఇదేమన్నా అమరావతి ప్రయాణమా, అమెరికా టూరా?" అని గంటా గారు సెటైర్ విసిరారు.

విమానం ఒక్కటే సమస్య అనుకుంటే, మరో ట్విస్ట్! విశాఖ నుంచి విజయవాడకు వచ్చే వందే భారత్ రైలు మంగళవారం కావడంతో రద్దయింది. "ఏంటి, రైలు కూడా రద్దా? ఏపీలో ప్రయాణం చేయడానికి తెలంగాణ పాస్‌పోర్ట్ కావాలా?" అని గంటా గారు సెటైర్ విసిరారు. ఆ పోస్ట్ చూసిన నెటిజన్లు "గంటా గారు.. మీరు రోడ్డు మార్గం ట్రై చేయండి, అది కూడా హైదరాబాద్ మీదుగానే ఉంటుంది!" అని కామెంట్లు పెట్టారు.

అనేక అడ్డంకులను దాటి, చివరకు గన్నవరం నుంచి కారులో అమరావతి చేరుకున్న గంటా గారు సాయంత్రం సీఎంను కలిశారు. మీటింగ్ ముగిసిన తర్వాత గంటా గారు ఒక సెటైరికల్ ట్వీట్ వేశారు. "విశాఖ నుంచి అమరావతి చేరడానికి హైదరాబాద్ మీదుగా రావాలి. ఏపీలో రోడ్లు, రైళ్లు, విమానాలు అన్నీ తెలంగాణ స్టాంప్‌తోనే నడుస్తాయా? అంటూ సెటైర్ లు విసిరారు. దీనిని బట్టి ఏపీలో ప్రయాణం చేయాలంటే, మీ బ్యాగ్‌లో ఓపిక, సమయం, తెలంగాణ రూట్ మ్యాప్ తప్పనిసరి!

గంటా టార్గెట్ మంత్రి రామ్మోహన్ నాయుడు

విమానయాన శాఖ మంత్రి సొంత రాష్ట్రానికి చేయాల్సినవి చేయడం చేతకావడం లేదు. ఇక వేరే రాష్ట్రాలకు ఏమి చేస్తాడనేది చెప్పకనే చెప్పారు గంటా శ్రీనివాసరావు. తన ప్రయాణం ఎలా సాగిందో తెలియజేస్తూ.. సెటైరికల్‌గా హైలైట్ చేస్తూ, కేంద్ర పౌర విమానయాన శాఖ మంత్రి రామ్మోహన్ నాయుడు, ఏపీ ఐటీ మంత్రి నారా లోకేష్, ముఖ్యమంత్రి చంద్రబాబు నాయుడులను ట్విటర్లో ట్యాగ్ చేయడం ఆంధ్రప్రదేశ్ రాజకీయాల్లో చర్చనియాంశమైంది.

గంటా శ్రీనివాసరావు ట్వీట్‌లో ప్రస్తావించిన విమాన సర్వీసుల రద్దు సమస్య నేరుగా పౌర విమానయాన శాఖ పరిధిలోకి వస్తుంది. రామ్మోహన్ నాయుడు ఈ శాఖకు కేంద్ర మంత్రిగా ఉన్నందున, విశాఖ నుంచి గన్నవరం వంటి ముఖ్యమైన రూట్‌లో విమాన సర్వీసులు రద్దు కావడం, సమయానికి సరైన కనెక్టివిటీ లేకపోవడం వంటి సమస్యలపై ఆయన దృష్టిని ఆకర్షించడమే గంటా గారి ప్రధాన లక్ష్యంగా కనిపిస్తుంది. ఇది ఒక రకంగా రామ్మోహన్ నాయుడును బాధ్యతగా గుర్తు చేసే సెటైర్.

నారా లోకేష్, చంద్రబాబు నాయుడులను ట్యాగ్ చేయడం ద్వారా, గంటా గారు రాష్ట్ర ప్రభుత్వంపై కూడా ఈ సమస్యను పరోక్షంగా ఒత్తిడి తెచ్చే ప్రయత్నం చేశారు. విశాఖ వంటి కీలక నగరం నుంచి రాజధాని అమరావతికి సులభమైన రవాణా సౌకర్యాలు లేకపోవడం రాష్ట్ర అభివృద్ధికి, పరిపాలనకు ఆటంకంగా ఉందనే సందేశాన్ని ఈ ట్వీట్ ద్వారా చేరవేశాడు. చంద్రబాబు నాయుడు ముఖ్యమంత్రిగా, నారా లోకేష్ ఐటీ, పరిశ్రమల మంత్రిగా రాష్ట్రంలో ఇన్‌ఫ్రాస్ట్రక్చర్ మెరుగుదలకు కీలక బాధ్యతలు నిర్వహిస్తున్న నేపథ్యంలో వారిని ట్యాగ్ చేయడం ఈ సమస్యను రాష్ట్ర స్థాయిలో కూడా చర్చనీయాంశం చేయడానికి ఉద్దేశించినట్టు కనిపిస్తుంది.

గంటా ట్వీట్ సెటైరికల్ రూపంలో ఉండటం వల్ల, ఇది సామాన్య ప్రజల దృష్టిని ఆకర్షించి, రవాణా సమస్యలపై చర్చను రేకెత్తించే అవకాశం కల్పించింది. "ఏపీలో ప్రయాణం చేయాలంటే తెలంగాణ మీదుగా రావాలా?" అనే వాక్యం హాస్యాస్పదంగా ఉన్నప్పటికీ, రాష్ట్రంలో రవాణా సౌకర్యాల లోపాలను తీవ్రంగా ఎత్తి చూపుతుంది. ఈ ట్వీట్‌లో ముఖ్య నాయకులను ట్యాగ్ చేయడం ద్వారా, ఈ సమస్యను వారి దృష్టికి తీసుకెళ్లడమే కాక, ప్రజల్లో కూడా ఈ అంశంపై అవగాహన కల్పించడం గంటా గారి ఉద్దేశ్యంగా కావొచ్చు.

గంటా శ్రీనివాసరావు తెలుగుదేశం పార్టీలో సీనియర్ నాయకుడు కావడంతో.. ఈ ట్వీట్‌లో రామ్మోహన్ నాయుడును టార్గెట్ చేయడం వెనుక రాజకీయ కోణం కూడా ఉండవచ్చు. రామ్మోహన్ నాయుడు కేంద్ర మంత్రిగా ఉన్నప్పటికీ, రాష్ట్రంలో విమాన సర్వీసుల సమస్యలను పరిష్కరించడంలో విఫలమవుతున్నారనే విమర్శను పరోక్షంగా లేవనెత్తే ప్రయత్నంగా దీనిని చూడవచ్చు.