మోదీ మైకు ఫెయిల్ అయితే పోలీసులపై ఫిర్యాదు ఎందుకు?

చిలకలూరి పేట బొప్పూడిలో ఆదివారం నిర్వహించిన ప్రజాగళం సభలో పలువురు సభికులు లైటింగ్ టవర్లు ఎక్కిన ఘటన సభలో కీలకంగా మారింది. ఆ సమయంలో వారిని దించేలా పోలీసులు చర్యలు తీసుకోవాలని ప్రధాని మోదీ చెప్పినా పోలీసుల అంతగా స్పందించలేదు. ఈ అంశంపై జనసేన రాజకీయ వ్యవహారాల కమిటీ చైర్మన్ నాదెండ్ల మనోహర్ కీలక వ్యాఖ్యలు చేశారు. ఈ సభలో పోలీసుల వ్యవహారం తీవ్ర అనుమానాలకు తావిస్తోందన్నారు. కేవలం లైటింగ్ టవర్ల విషయంలోనే కాదని సభకు విచ్చేసిన వారిని నియంత్రించడంలో కూడా పోలీసులు సరైన రీతిలో చర్యలు తీసుకోలేదని అన్నారాయన. మంగళగిరిలోని పార్టీ కార్యాలయంలో మీడియాతో మాట్లాడుతూ ఆయన తన అనుమానాలను వ్యక్తం చేశారు. దేశ ప్రధాని సభకు జిల్లా అధికారులు బ్లాంక్ పాసులను ఎలా ఇస్తారని ప్రశ్నించారు. ఈ విషయంపై ఎన్నికల అధికారికి ఫిర్యాదు చేస్తామని చెప్పారు నాదెండ్ల మనోహర్.