పెద్దిరెడ్డే కాదు..ఏ పిచ్చిరెడి వచ్చినా భయపడేది లేదు

తిరుపతి మఠం భూములను ఆక్రమించుకున్నారని అన్నారు. వడమాలపేటలో గుజరాత్‌ వ్యాపారిని బెదిరించి ఆస్తులు రాయించుకున్నారు. తిరుపతిలో చెరువులను ఆక్రమించారు. మద్యం క్వాలిటీ లేదన్న ఓ దళితుడిని దుర్మార్గంగా చంపించారు. కమిషన్ల కోసం ఆవులపల్లి రిజర్వాయర్‌ నిర్మాణం చేపట్టారు. దీనికి నేషనల్‌ ట్రిబ్యూనల్‌కు పెద్దిరెడ్డి రూ. 100 కోట్లు పెనాల్టీ కింద చెల్లించారు. పుంగనూరు పరిధిలోని పులిచర్ల మండలం మంగళంపేటలో విలాసవంతమైన భవనం కోసం 70 ఎకరాలకు పైగా ఆక్రమించుకున్నారు. అటవీ భూములను ఆక్రమించి మార్కెట్‌ యార్డ్‌ నిధులతో రోడ్లు వేసుకున్నారు. ఎర్రచందనం అక్రమ రవాణా కోసం అడవుల్లో రోడ్లు వేయించుకున్నారు. అటవీ శాఖ మంత్రి పదవిని అడ్డం పెట్టుకొని రాష్ట్ర వ్యాప్తంగా మైనింగ్‌ ద్వారా ఇసుక, మట్టి, కంకర, గ్రానైట్‌ వంటి ప్రకృతి సంపదలను దోచుకున్న అడవి దొంగ పెద్దిరెడ్డి అని తీవ్ర ఆరోపణలు చేశారు. రూ. 2లక్షల కోట్ల ఆక్రమ ఆస్తులను కూడబెట్టారు. దీన్ని లెక్కబెట్టాలంటే ఎన్ని రోజులు పడుతుందో.. ఎన్ని రూములు కావాలో ప్రజలు అర్థం చేసుకోవాలన్నారు. పుంగనూరు ఓటర్లు ఓట్లేసి గెలిపిస్తే.. అసెంబ్లీకి వచ్చి పుంగనూరు ప్రజల సమస్యల మీద మాట్లాడలేని పెద్దిరెడ్డికి ఎమ్మెల్యే పదవి ఎందుకని?.. పెద్దిరెడ్డి వెంటనే రాజీనామా చేయాలని డిమాండ్‌ చేశారు.