తిరుమల అన్నదానం కోసం రూ.38 లక్షల విరాళం...

తిరుమల శ్రీవారికి టీడీపీ జాతీయ ప్రధాన కార్యదర్శి నారా లోకేష్ భారీ విరాళం ఇచ్చారు. కుమారుడు నారా దేవాన్ష్ 10వ పుట్టిన రోజు సందర్భంగా లోకేశ్, నారా బ్రాహ్మణి దంపతులు తిరుమల శ్రీవారి సేవలో పాల్గొన్నారు. వీరితో పాటు నారా భువనేశ్వరి కూడా శ్రీవారి సేవలో పాలుపంచుకున్నారు. దర్శనం ముగించుకున్న తర్వాత మాతృశ్రీ తరిగొండ వెంగమాంబ అన్నప్రసాద కేంద్రంలో లోకేశ్, బ్రహ్మణి కుటుంబ సభ్యులు భక్తులకు అల్పాహారం వడ్డించారు. నారా కుటుంబీకులకు రంగనాయకుల మండపంలో వేద పండితులు వేద ఆశీర్వాదం అందించారు.