ఇంట్లో కూర్చుని 'ఆత్మ'లతో మాట్లాడుతున్నావా జగన్? లోకేశ్ సెటైర్లు

తెలుగుదేశం పార్టీ నాయకుడు, చంద్రబాబు కుమారుడు, రాష్ట్ర మంత్రి నారా లోకేశ్ మాజీ ముఖ్యమంత్రి వైఎస్ జగన్ పై సెటైర్లు పేల్చారు. ఇంట్లో కూర్చుని ఆత్మలతో మాట్లాడుతున్నావా జగన్ అంటున్నారు. ఇంట్లో కూర్చొని 'గేమ్స్' ఆడేవారికి అభివృద్ధి ఏమి కనిపిస్తుందన్నారు. జగన్ ఇంట్లో పబ్జీగేమ్స్ ఆడేవారన్న అర్థం వచ్చేలా ఆయన వ్యాఖ్యానించారు. ఏపీలో రెడ్ బుక్ ను అమలు చేస్తున్నామని లోకేశ్ చెబుతుంటే తమది మంచి బుక్ అని జగన్ అంటున్న నేపథ్యంలో నారా లోకేశ్ రెడ్ బుక్ యాక్షన్ మొదలైందన్నారు. చట్టాన్ని ఉల్లంఘించి ఫేక్ న్యూస్ ప్రచారం చేసే వాళ్లపై కఠిన చర్యలు తప్పవన్నారు. చట్టాన్ని ఉల్లంఘించిన బ్యాచీ పేర్లన్ని రెడ్ బుక్ లో ఉంటాయంటున్నారు. ఆయన అక్టోబర్ 11న మీడియాతో మాట్లాడారు.

"యాక్షన్ అనివార్యం. వైసీపీ వాళ్లు ఏ పుస్తకం పెట్టుకున్నారో వాళ్లకే తెలియదు. బహుశా నా నుంచి స్ఫూర్తి పొంది ఉంటారు. రాయలసీమ తయారీ రంగానికి కేంద్రం కాబోతోంది. ఉత్తరాంధ్ర సేవా రంగానికి సెంటరు కానుంది. పరిపాలన ఒకే దగ్గర ఉంటుంది. అభివృద్ధి వికేంద్రీకరణ అన్ని ప్రాంతాలకు జరగాలన్నదే కూటమి ప్రభుత్వ లక్ష్యం " అన్నారు మంత్రి లోకేశ్.