అర్జీదారులు అసంతృప్తిగా ఉన్నారు

రెవెన్యూ సదస్సుల్లో వస్తున్న సమస్యలు, వాటి పరిష్కాలపై ఈ సదస్సులో మంత్రి చర్చించారు. రెవెన్యూ సదస్సుల్లో వచ్చిన అర్జీల్లో ఇప్పటి వరకు పరిష్కించిన వాటిల్లో సగం మంది అర్జీదారులు తీవ్ర అసంతృప్తిగా ఉన్నారని మంత్రి అధికారుల దృష్టికి తీసుకెళ్లారు. క్లిష్టతరమైన సమస్యల అర్జీలను కాకపోయినా.. పరిష్కరించే అవకాశం ఉన్న అర్జీలను కూడా సకాలంలో పరిష్కరించ లేక పోతే ఎందుకని అధికారులను ప్రశ్నించారు. పరిష్కరించిన అర్జీలపై ప్రజలు ఏమేరకు సంతృప్తిగా ఉన్నారనే అంశాలపై అర్జీదారుల నుంచి ఫీడ్‌ బ్యాక్‌ తీసుకోవాలని మంత్రి అధికారులను ఆదేశించారు. రెవెన్యూ శాఖ ప్రత్యేత ప్రధాన కార్యదర్శి ఆర్‌పీ సిసోడియా కూడా అధికారుల తీరుపైన అసంతృప్తి వ్యక్తం చేశారు. రెవెన్యూ శాఖకు ప్రస్తుతం సర్జరీ అవసరమని అన్నారు. ట్రెడ్‌ మిల్‌పైన పరుగెడుతున్నట్టు రెవెన్యు అధికారుల పని తీరు ఉందని, అక్కడే ఉంటున్నారు కానీ గమ్యం చేరడం లేదని సిసోడియా అసంతృప్తి వ్యక్తం చేశారు.