ఏపీలో విద్యార్థులకు స్పెషల్‌ కార్డులు

ఆంధ్రప్రదేశ్‌ ప్రభుత్వం మరో కొత్త నిర్ణయం తీసుకుంది. ఆంధ్రప్రదేశ్‌లోని ప్రభుత్వ పాఠశాలల్లో చదువుతున్న ప్రతీ విద్యార్థికి ప్రత్యేక కార్డులను అందించనున్నారు. చదువుల్లో విద్యార్థుల ప్రోగ్రెస్‌ను ఎప్పటికప్పుడు మెరుగు పరచడానికి, ఆరోగ్య పరంగా విద్యార్థులను తీర్చిదిద్దేందుకు వీలుగా ఈ కార్డులను రూపోందించారు. ఆరోగ్యపరమైన వివరాలతో పాటు విద్యార్థి పూర్తి సమాచారాన్ని పొందుపరచనున్నారు. హోలిక్‌ కార్డుల పేరుతో ఈ కార్డులను అందించనున్నారు. విద్యార్థి ఎత్తు, బరువు, బ్లడ్‌ గ్రూపు, బాడీ మాస్‌ ఇండెక్స్‌(బీఎంఐ)తో సహా పూర్తి వివరాలను అందులో పొందుపరుస్తారు. ప్రతి ఆరు నెలలకు ఒక సారి విద్యార్థుల వివరాలను ఈ కార్డుల్లో నమోదు చేస్తారు. ఇప్పటి వరకు విద్యార్థులకు ప్రోగ్రెస్‌ కార్డులు ఇచ్చేవారు. వీటిని ఇప్పుడు మోడిఫై చేశారు. అన్ని వివరాలతో కలిపి హోలిస్టిక్‌ కార్డులను రూపొందించారు. అంతేకాకుండా ప్రతీ కార్డు వెనుక భాగంలో క్యూఆర్‌ కోడ్‌ను ముద్రించారు.