నన్ను బ్లేడ్లతో కోస్తున్నారు.. పిఠాపురంలో పవన్ సంచలన వ్యాఖ్యలు
టీడీపీ నేతలు బుద్దప్రసాద్, జయకృష్ణ ఈరోజు పిఠాపురంలో జనసేనాని పవన్ కల్యాణ్ సమక్షంలో పార్టీ కండువా మార్చుకున్నారు. తాము ఎక్కడి నుంచి పోటీ చేయనుంది వెల్లడించారు.
ఆంధ్ర రాజకీయాలు మరింత రసవత్తరంగా మారాయి. టీడీపీ-జనసేన-బీజేపీ కూటమి ఏర్పడినప్పటికీ తాజాగా టీడీపీకి చెందిన ఇద్దరు కీలక నేతలు జనసేన గూటికి చేరారు. జనసేన అధినేత పవన్ కల్యాణ్ సమక్షంలో టీడీపీ నేతలు మండలి బుద్దప్రసాద్, నిమ్మక జయకృష్ణ.. జనసేన కండువా కప్పుకున్నారు. వారిని పవన్ కల్యాణ్ పార్టీలోకి స్వాగతించారు. ఈ సందర్భంగా నిమ్మక జయకృష్ణ, మండల బుద్ద ప్రసాద్ ఆసక్తికర వ్యాఖ్యలు చేశారు. జయకృష్ణ మాట్లాడుతూ.. ‘‘పవన్ సమక్షంలో జనసేన కండువా కప్పుకోవడం సంతోషంగా ఉంది. జనసేన తరపున పాలకొండ నుంచి బరిలో దిగుతాను. ఎమ్మెల్యే కళావతి, ఎమ్మెల్సీ విక్రాంత్ కలిసి నియోజకవర్గాన్ని దోచేస్తున్నారు. వారి కూటమిని పాలకొండ నుంచి తరిమి తరిమి కొడతాం. ఈ అభ్యర్థిత్వంపై పవన్ కూడా సానుకూలంగా స్పందించారు. రానున్న ఎన్నికల్లో జనసేన ప్రభంజనం సృష్టిస్తుంది. పోటీ చేస్తున్న అన్ని స్థానాల్లో విజయం సాధిస్తుంది’’అని వెల్లడించారాయన.
