ఏపీలో తాత్కాలిక బీసీ స్టడీ సర్కిల్‌

600 మంది నుంచి దరఖాస్తులు స్వీకరించి, అర్హత పరీక్ష నిర్వహించగా 110 మంది సివిల్‌ సర్వీసెస్‌ కోచింగ్‌కు ఎంపికైనట్లు మంత్రి తెలిపారు. బీసీ–ఏ17, బీసీ–బీ24, బీసీ–సీ2, బీసీ–డీ18, బీసీ–ఈ5, ఎస్సీ–20, ఎస్టీ–14, ఈడబ్ల్యూఎస్‌ కింద 10 మందిని ఎంపిక చేశామన్నారు. వారందరికీ రెసిడెన్షియల్‌ పద్ధతిలో భోజన, ఇతర వసతి సదుపాయాలు అందించనున్నట్లు తెలిపారు. ప్రస్తుతం తాత్కాలిక భవనంలో శిక్షణా తరగతులు ప్రారంభించామని, వచ్చే ఏడాది శిక్షణ నాటికి రాజధాని అమరావతి ప్రాంతంలో 5 ఎకరాల విస్తీర్ణంలో బీసీ స్టడీ సర్కిల్‌ నిర్మించనున్నట్లు తెలిపారు. 500ల మంది అభ్యర్థులకు శిక్షణిచ్చేలా ఈ భవన నిర్మాణం చేపడుతామన్నారు. రెండేళ్లలో ఈ భవనం అందుబాటులోకి తెస్తామన్నారు. దీని కోసం ఇప్పటికే డీపీఆర్‌ సిద్ధం చేశామని, సీఎం చంద్రబాబు నాయుడు నుంచి అనుమతులు రాగానే నిర్మాణ పనులు చేపడతామని మంత్రి సవిత వెల్లడించారు.