శ్రీరెడ్డిపైన ఎన్ని సెక్షన్‌ల కింద కేసు పెట్టారంటే?

మాజీ సీఎం జగన్‌కు సపోర్ట్‌గాను, టీడీపీ, జనసేన, బీజేపీలకు వ్యతిరేకంగా మాట్లాడుతూ, ఆ పార్టీల నేతలే లక్ష్యంగా అభ్యంతరకరంగా మాట్లాడుతూ, అసభ్యపదజాలంతో వ్యాఖ్యలు చేస్తూ సామాజిక మాధ్యమాల్లో పోస్టులు పెడుతున్న సినీ నటి శ్రీరెడ్డిపై చర్యలు తీసుకోవాలని మాజీ కార్పొరేటర్‌ దాసరి జ్యోతి గుంటూరు నగర పోలీసులకు ఫిర్యాదు చేశారు. చంద్రబాబు నాయుడు, పవన్‌ కళ్యాణ్‌లు, వారి కుటుంబ సభ్యులపై తీవ్ర అభ్యంతరకరంగా శ్రీరెడ్డి నోటికొచ్చినట్లు మాట్లాడిందని, ఆమెపై కఠిన చర్యలు తీసుకోవాలని ఫిర్యాదులో దాసరి తన ఫిర్యాదులో పేర్కొన్నారు. దీనిపై స్పందించిన గుంటూరు నగర పోలీసులు శ్రీరెడ్డిపై కేసు నమోదు చేశారు.

హోం మంత్రి వంగలపూడి అనితపైన అసభ్యకర వ్యాఖ్యలు చేసిందని, అందుకు శ్రీరెడ్డిపై కేసు నమోదు చేసి కఠిన చర్యలు తీసుకోవాలంటూ తూర్పు గోదావరి జిల్లాలో మరో కేసు నమోదు చేశారు. తూర్పు గోదావరి జిల్లా బొమ్మూరు పోలీసు స్టేషన్‌లో టీడీపీ మహిళా ప్రధాన కార్యదర్శి మజ్జి పద్మ ఇచ్చిన ఫిర్యాదు మేరకు శ్రీరెడ్డిపైన కేసు నమోదు చేశారు. పలు సెక్షన్‌ల కింద శ్రీరెడ్డిపైన కేసు నమోదు చేశారు. ఐపీసీ సెక్షన్‌ 196, 353(2), 79బిఎన్‌ఎస్, 67 ఐటీఏ–2000–2008 సెక్షన్‌ల కింద శ్రీరెడ్డిపై కేసు నమోదు చేశారు. శ్రీరెడ్డిని ∙ఎప్పుడు అరెస్టు చేస్తారనే దానిపై సర్వత్ర ఆసక్తి నెలకొంది.