వైఎస్‌ వివేకా హత్య సెంట్రిక్‌ పాయింట్‌గా వివేకం మూవీ తీసారు. భారీగా పెరిగిన ప్రేక్షకులు. ఒక్క రోజులో వీక్షించిన 10లక్షల మంది. వైరల్‌గా మారిన సన్నివేశాలు
దివంగత ముఖ్యమంత్రి వైఎస్‌ రాజశేఖర్‌రెడ్డి సోదరుడు.. ప్రస్తుత ఆంధ్రపదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి చిన్నాన్న మాజీ మంత్రి, మాజీ ఎంపీ వైఎస్‌ వివేకానందరెడ్డి దారుణ హత్య ఉదంతాన్ని ప్రధాన అంశంగా ఆయన బయోపిక్‌గా తెరకెక్కించిన ‘వివేకం’ మూవీ తాజాగా ట్రెండింగ్‌లో ఉంది. ఇప్పుడు యూట్యూబ్‌లో ఇది హల్‌చల్‌ చేస్తోంది. ఆ చిత్రానికి పెద్ద ఎత్తున వీక్షకులు పెరుగుతున్నారు. కేవలం ఒక్క రోజులోనే దాదాపు 10లక్షల మంది వీక్షించారంటే ఏ స్థాయిలో ట్రెండింగ్‌ అవుతుందో అర్థమవుతుంది. శుక్రవారం ఈ మూవీని యూట్యూబ్‌లో విడుదల చేశారు. ప్రస్తుతం ఇది యూట్యూబ్‌లో లైవ్‌ స్ట్రీమింగ్‌ అవుతోంది. ఈ మూవీలోని కొని సన్నివేశాలు సామాజిక మాధ్యమాల్లో కూడా చక్కర్లు కొడుతున్నాయి. వివేకా హత్యకు దారితీసిన పరిస్థితులు.. హత్యకు ఎక్కడ కుట్రలు పన్నారు.. ఆ కుట్రలు పన్నిందెవరు.. అసలు వారి వెనుక ఉన్న సూత్రదారులు ఎవరు.. ఎలా కుట్రలు పన్నారు..వంటి çపలు ఆసక్తికర సన్నివేశాలతో పాటు వివేకాను అత్యంత కిరాతంగా హతమార్చడం వంటి సీన్లు వివేకం మూవీలో కళ్లకు కట్టినట్లు హృద్యంగా చిత్రీకరించారు.
